تیمی پارێزەرانی گیراوانی بادینان راگه‌یه‌ندراوێكیان بڵاوكرده‌وه‌

دیجیتاڵ میدیای سپێده‌

تیمی پارێزەرانی بەرگریکارلە چالاکوان و ڕۆژنامەنوسانی بادینان ڕایانگه‌یاند: دوو ڕۆژە پێنچ چالاکوانی شیلادزێ بەبڕیاری دادگا ئازادکراون، سەرەڕای ئەوەی بۆ ماوەی دوو ساڵە بەناحەق لە زیندانن و ئێستاش ماوەی حوکمەکانیان تەواو کردووە.

ئاماژه‌یان به‌وه‌شكرد، بەم سەرماو سۆڵە لە بەیانییەوە کەس و کاریان کە ژن و منداڵیشیان لەگەڵدایە لەبەردەم ئاسایشی گشتی هەولێرن و لە چاوەروانی ئازادکردنی ڕۆڵەکانیانن بەڵام ئاسایش تا ئەو دەققەیە ئازادیان ناکەن ئەمە چ ویژدانێکە؟!.

ده‌قی ڕاگه‌یه‌ندراوه‌یكه‌:

بۆ ڕای گشتی ..

بەڕێز سەرۆکی هەرێم ..

بەڕێز سەرۆکی پەرلەمان ..

بەرێز سەرۆکی حکومەتی هەرێم ..

بەڕێز سەرۆکی ئەنجومەنی دادوەری ..

بەڕێز سەرۆکی دەستەی مافی مرۆڤ ..

بەڕێزان لە یۆنامی و نێردە دیپلۆماتیەکانی هەرێمی کوردستان

بەڕێزان رێکخراوەکانی مافی مرۆڤ ..

سڵاوو رێز ..

دوو ڕۆژە پێنچ چالاکوانی شیلادزێ بەبڕیاری دادگا ئازادکراون، سەرەڕای ئەوەی بۆ ماوەی دوو ساڵە بەناحەق لە زیندانن و ئێستاش ماوەی حوکمەکانیان تەواو کردووە، بەم سەرماو سۆڵە لە بەیانییەوە کەس و کاریان کە ژن و منداڵیشیان لەگەڵدایە لەبەردەم ئاسایشی گشتی هەولێرن و لە چاوەروانی ئازادکردنی ڕۆڵەکانیانن بەڵام ئاسایش تا ئەو دەققەیە ئازادیان ناکەن ئەمە چ ویژدانێکە؟!

ئەم هێشتنەوەیان لە ئاسایش سەرپێچی یاسایە، داواکارین لەبەڕێزتان بێنە دەنگ و ئەم زوڵمەی لەم پێنچ چالاکوانە دەکرێت قبوڵی نەکەن و داواکارین دەستبەجێ ئازاد بکرێن.

تیمی پارێزەرانی بەرگریکارلە چالاکوان و ڕۆژنامەنوسانی بادینان

١٣/١٢/٢٠٢٢