دیجیتاڵ میدیای سپێده
وەزارەتی تەندروستیی لوبنان زانیاری نوێی سەبارەت بە تەشەنەسەندنی پەتای کۆلێرا بڵاوکردەوە کە یەکەم حاڵەتی لە شەشی تشرینی یەکەمدا، تۆمارکرا و پاشان تەشەنەی سەند بۆ ناوچەکانی باکووری وڵاتەکە.
لە راگەیەندراوێکدا کە لە ماڵپەڕی وەزارەتی تەندروستیی لوبناندا بڵاوکراوەتەوە، ئاماژە بەوە کراوە کە سێ کەسی دیکە بەهۆی کۆلێراوە گیانیان لەدەستداوە و ٣٨ حاڵەتی نوێی تووشبوون تۆمارکراوە.
لە راگەیەندراوەکەدا، هەروەها باس لەوە کراوە کە تا ئێستا لە لوبنان ١٧ کەس بەهۆی کۆلێراوە گیانیان لەدەستداوە و ژمارەی حاڵەتەکانی تووشبوونیش گەیشتووەتە هەزار و ٤٤٧ حاڵەت.
لەلایەکی دیکەوە، فەڕەنسا نزیکەی ١٤ هەزار ڤاکسینی کۆلێرای بەخشییە لوبنان.