بەدواداچوون - INA
ئەمڕۆ دووشەممە، دەزگاکانی ڕاگەیاندنی ئەمریکی، کوژرانی 18 سەربازی ئەمریکی و برینداربوونی 624ی تریان لە سەرەتای دەستپێکردنی ئۆپەراسیۆنی سەربازیی ئەمریکا دژ بە ئێران لە 28ی شوباتی 2026ەوە ڕاگەیاند.
تۆڕی CNNی ئەمریکی ئاماژەی بەوە کرد کە "ئەم ئامارانە دوای تێکەڵکردنی زانیارییە نوێیەکانی دەربڕاو لەلایەن پنتاگۆنەوە هاتبوون لەگەڵ ئامارەکانی تایبەت بە ئۆپەراسیۆنە سەربازییەکە کە واشنتن ناوی لێنابوو (تووڕەیی داستانی)".
تۆڕی CBS لە سەرچاوەیەکی بەرپرسی ئەمریکییەوە بڵاوی کردەوە کە "سوپای ئەمریکا زیاتر لە 400 سەربازی لە ڕێگەی ئاسمانییەوە لە ناوچەی ڕۆژهەڵاتی ناوەڕاستەوە گواستووەتەوە بۆ مەڵبەندەکانی چارەسەری تایبەتمەند، بۆ وەرگرتنی چاودێریی پزیشکی لە سەرەتای دەستپێکردنی ئۆپەراسیۆنە سەربازییەکەوە".
ڕۆژنامەی نیویۆرک تایمزیش لە سەرچاوەیەکی بەرپرسی سەربازیی ئەمریکییەوە بڵاوی کردەوە کە "12 سەربازی ئەمریکی تووشی برینداریی سەخت بوون لە ئەنجامی ئەو هێرشانەی لەلایەن ئێرانەوە بە بەکارهێنانی مووشەک و فڕۆکەی بێفڕۆکەوان ئەنجام درابوون و شوێنەکانیان لە ئوردن و وڵاتانی تر لە ماوەی ئەم مانگی تەممووزەدا کردبووە ئامانج".
بەرپرسەکە ڕوونی کردەوە کە "برینەکانیان پێویستی بە گواستنەوەی سەربازەکان هەبووە بۆ نەخۆشخانەیەکی سەربازیی ئەمریکی لە ئەڵمانیا بۆ وەرگرتنی چارەسەر"، و ئاماژەی بەوەش کرد کە "ئەم کەسانە لە ناو نزیکەی 100 سەربازدان کە پنتاگۆن برینداربوونیانی لە ئەنجامی هێرشەکانی ئێران لە سەرەتای تەممووزەوە ڕاگەیاندبوو، لە کاتێکدا نزیکەی 50 برینداری تر لە ماوەی ئەو هێرشانەدا تۆمار کرابوون کە ئەو بنکانەیان کردبووە ئامانج کە هێزەکانی ئەمریکایان لە ئوردن تێدا جێگیر کرابوو".
ڕۆژنامەکە ئاماژەی بەوەشکرد کە "فەرماندەیی ناوەندیی ئەمریکی (سێنتکۆم) پابەند نەکراوە بە ئاشکراکردنی وردەکارییەکانی پەیوەندیدار بە برینداربوونی ئەندامانی خزمەتگوزاریی سەربازی، بە تایبەتی لەو ڕەوشانەی کە سەربازەکان بە خێرایی دەگەڕێنەوە بۆ ڕاپەڕاندنی ئەرکەکانیان".
بەرپرسێکی ئەمریکیش جەختی کردەوە کە "لێکۆڵینەوەکان هێشتا بەردەوامن سەبارەت بەو هێرشەی کە بنکەی مۆفەق سەلتانی لە ئوردن کردبووە ئامانج، کە بووە هۆی کوژرانی سێ سەربازی ئەمریکی و برینداربوونی کەسانی تر".
هەروەها ئاماژەی بەوەش کرد کە "سیستەمی ڕاداری لە بنکەی ئەحمەد جابر لە هەوای کوێت لە دەوروبەری 20ی ئەم مانگی تەممووزەدا تێکدراوە، ئەوەش تەنیا دوای نزیکەی شەش مانگ لە تەواوبوونی دامەزراندنی".