كەركووك- INA
ئەمڕۆ شەممە محەمەد سەمعان ئاغا، پارێزگاری كەركوك، ڕێنمایی هێزە ئەمنییەكانی كرد، هەموو ئاسانكارییەكی پێویست بۆ زیارەتكارانی بیانی كە گەشت دەكەن بۆ شاری پیرۆزی كەربەلا بۆ یادی ئەربەعینی ئیمام حوسێن (س،خ) دابین بكەن.
لە بەیاننامەیەكدا كە لەلایەن پارێزگای كەركوكەوە بڵاوكراوەتەوە و بە ئاژانسی هەواڵی عێراقی (INA) گەیشتووە و ئاماژەی بەوەكردووە : محەمەد سەمعان ئاغا، سەرۆكی لیژنەی باڵای ئاسایشی كەركوك، پارێزگاری كەركوك، ئاڕاستەی دەزگا ئەمنییە پەیوەندیدارەكانی ناو پارێزگای كەركوك دەكات، هەموو هاوكارییەك پێشكەش بە زیارەتكارانی بیانی بكەن كە لە ڕێگەی فڕۆكەخانەی نێودەوڵەتی كەركوك یان دەروازە سنوورییەكانی باكوری پارێزگای كەركوكەوە دەگەن، كە بەرەو پیرۆزگای كەربەلای پیرۆز و نەجەفی ئەشرەف بۆ بەشداریكردن لە یادی ئەربەعینی ئیمام حسێن (س،خ).
پارێزگار جەختی لەوە كردووەتەوە، بەپێی بەیاننامەكە : هێزە ئەمنییەكان و دەزگا پەیوەندیدارەكان پاڵپشتی و هاوكارییەكی بەرچاویان پێشكەش بە زیارەتكارانی ئێرانی، توركیا و ئازەربایجان كردووە، ستایشی هەوڵە هەماهەنگی و هاوكارییەكانی كرد كە ڕەنگدانەوەی قەبارەی عێراق و پارێزگاری كەركوكی خۆشەویستمانە.