نێودەوڵەتی – INA
بزووتنەوەی ئەنسارولڵا (حوسییەکان)، ئەمڕۆ شەممە، بەئامانجگرتنی دامەزراوە مەدەنییەکانی حودەیدە و دوورگەی کەمرانی لەلایەن عەرەبستانی سوعودییەوە بە پەرەسەندنێکی مەترسیدار ئەژمار کرد.
مەکتەبی سیاسیی ئەنسارولڵا لە بەیاننامەیەکدا ڕایگەیاند کە بەئامانجگرتنی دامەزراوە مەدەنییەکان لە حودەیدە و دوورگەی کەمران لەلایەن عەرەبستانی سوعودییەوە پەرەسەندنێکی مەترسیدار و درێژکراوەی ڕێباز و شێوازی گەمارۆدانە، و ئاماژەی بەوەش دا کە عەرەبستانی سوعودی هەوڵی داوە شکستی سەربازی و سیاسیی خۆی لە ڕێگەی بەئامانجگرتنی کۆڵەکەکانی ژیانی گەلی یەمەنەوە قەرەبوو بکاتەوە.
ههروهها ئهوهیش هاتووه کە بەئامانجگرتنی شوێنە مەدەنییەکان پێشێلکارییەکی زەقە کە کۆمەڵگەی نێودەوڵەتی دەخاتە بەردەم بەرپرسیارێتییەکی ئەخلاقی و یاسایی، و ڕوونیشی کردەوە کە "تاوانەکانی دوایی بێ وەڵام تێپەڕ نابن و هاوکێشەی بەرپەرچدانەوە کە گەلەکەمان و سەرکردایەتییەکەی و هێزە چەکدارەکانی دایانمەزراندووە بووەتە ڕوون و چەسپاو"، بەپێی دەربڕینی خۆیان.
جەختیشی کردەوە کە "گەمارۆ بەرامبەر گەمارۆ، بەندەر بەرامبەر بەندەر، و پەرەسەندن بەرامبەر پەرەسەندن دەبێت، و بەردەوامیی دەستدرێژی بۆ دەستدرێژیکاران جگە لە زەرەر و زیانی زیاتر هیچی دیکەیان بۆ ناهێنێت".