بەدواداچوون - INA
ئەمڕۆ هەینی سوپای پاسدارانی ئێران ڕایگەیاند كە شوێنە سەربازییەكانی ئەمریكای لە هەردوو وڵاتی كوێت و بەحرێن كردۆتە ئامانج.
بەپێی بەیاننامەیەكی سوپای پاسداران، كە لە ڕاپۆرتی ئاژانسی هەواڵی مێهر بڵاوی كردووەتەوە، هێزەكانی سوپای پاسداران سێ كۆگای هەڵگرتنی تەقەمەنی و كەرەستەیان لە بنكەی عودەیری ئەمریكی لە كوێت كردە ئامانج.
لە بەیاننامەكەدا ئاماژە بەوە كراوە : كە هێزەكان لە یەك كاتدا تاوەرێكی چاودێری سەر بە كەشتی پێنجەمی هێزی دەریایی ئەمریكایان لە بەحرێن كردە ئامانج و ئاماژە بەوە كراوە كە زیانێكی بەرچاوی بەركەوتووە.