بەغدا – INA
خالید شوانی، وەزیری داد، ئەمڕۆ پێنجشەممە، لەگەڵ عەدنان شەمەری، پارێزگاری دیالە کۆبووەوە؛ لە دیدارەکەدا ڕەوشی فەرمانگە دادییەکانی پارێزگاکە و ڕێگەکانی پەرەپێدانی ژێرخانی دامەزراوەکانی سەر بە وەزارەت تاوتوێ کران.
لە ڕاگەیەندراوێکی وەزارەتی داددا کە بۆ ئاژانسی هەواڵی عێراقی (INA) نیردراوە تییدا هاتووە: "وەزیری داد جەختی کردووەتەوە کە وەزارەت بەردەوامە لە جێبەجێکردنی پلانەکانی بۆ نوێکردنەوەی ژێرخان و تەواوکردنی پڕۆژە گرنگەکان لە پارێزگای دیالە لە کاتی دیاریکراوی خۆیاندا، ئەمەش بە مەبەستی پەرەپێدانی فەرمانگە دادییەکان و بەرزکردنەوەی ئاستی ئەو خزمەتگوزارییانەی پێشکەش بە هاووڵاتییان دەکرێن."
لای خۆیەوە، پارێزگاری دیالە ستایشی هەوڵەکانی وەزارەتی دادی کرد و ئاماژەی بەو پێشکەوتنە بەرچاوانە دا کە لە بواری گەشەپێدانی خزمەتگوزارییەکان و ژێرخانی دامەزراوەکانی سەر بە وەزارەت لە پارێزگاکەدا بەدیهاتوون.