کەشناسیی : پلەکانی گەرما نزمبوونەوەیەکی نوێ بەخۆیانەوە دەبینن**

بەغدا – INA

دەستەی کەشناسیی ، ئەمڕۆ پێنجشەممە، وردەکارییەکانی ڕەوشی کەشوهەوای وڵاتی بۆ ڕۆژانی داهاتوو بڵاوکردەوە و پێشبینی نزمبوونەوەیەکی نوێی پلەکانی گەرما دەکات.

لە بەیاننامەیەکی دەستەکەدا کە بۆ ئاژانسی هەواڵی عێراقی (INA) نێردراوە، تێیدا هاتووە: "سبەی هەینی کەشوهەوا ساماڵ و گەرم دەبێت، لە ناوچەکانی باکوور هەندێک پەڵەهەور دەردەکەون و پلەکانی گەرما هاوشێوەی ڕۆژی پێشوو دەبن."

بەگوێرەی پێشبینییەکان، بەرزترین پلەکانی گەرما بۆ سبەی هەینی لە پارێزگاکان بەم شێوەیە دەبن:

(سلێمانی ٤١، دهۆک ٤٢، هەولێر ٤٤، بەغدا و نەینەوا ٤٥، کەرکووک، دیالە، سەڵاحەدین، ئەنبار، بابل و واست ٤٦، دیوانییە ٤٧، کەربەلا، نەجەف، میسان، زیقار، موسەننا و بەسرە ٤٨) پلەی سەدی.

بەیاننامەکە ئاماژەی بەوەش کردووە: "ڕۆژی شەممە، کەشوهەوا لە سەرانسەری وڵات بە گەرمی و ساماڵی دەمێنێتەوە و پلەکانی گەرما جێگیر دەبن. بۆ ڕۆژی یەکشەممە، پێشبینی دەکرێت پلەکانی گەرما لە ناوچە جیاجیاکان کەمێک ڕوو لە دابەزین بکەن."

سەبارەت بە ڕۆژی دووشەممەی هەفتەی داهاتوو، کەشناسی ڕایگەیاندووە کە ئاسمان ساماڵ دەبێت و هەندێک هەور لە ناوچەکان دەردەکەون، هاوکات پلەکانی گەرما بە جێگیری و هاوشێوەی ڕۆژی یەکشەممە دەمێننەوە.