بەغداد – INA
دادگای تاوانەكانی ناوەندی، ئەمڕۆ سێشەممە، بڕیاری سزادانی بەندکردنی بۆ ماوەی پێنج ساڵ و مانگێک بەسەر دوو سزادراودا دەرکرد، بەهۆی ئەنجامدانی تاوانی بڵاوکردنەوەی بیری نەتەوەپەرستیی توندڕەو لە تۆڕە کۆمەڵایەتییەکاندا.
ئەنجومەنی دادوەری لە بەیاننامەیەكدا کە بۆ ئاژانسی هەواڵی عێراقی ناردووە، دەڵێت: "سزادراوەکان هەستابوون بە پشتیوانیکردنی تاقمە تێرۆریستییەکانی داعش لە ڕێگەی بانگەشەکردن بۆیان لە تۆڕە کۆمەڵایەتییەکاندا، جگە لە هەستانیان بە هاندان و بەرنامەڕێژکردن بۆ ئەنجامدانی ئۆپەراسیۆنی تێرۆریستی، بەهۆی پەیوەستبوونیان بەوەی پێی دەوترێت شانەی گورگە تاقانەکان".
رونیشیكردەوە: "بڕیاری سزادانەکە بەسەریاندا دەرچووە بەپشتبەستن بە بڕگەكانی ماددەی ١٠ لە یاسای قەدەغەکردنی حزبی بەعس و قەوارە و حزب و چالاکییە نەتەوەپەرستی و تێرۆریستی و تکفیرییەکان ژمارە ٣٢ی ساڵی ٢٠١٦".