بەغدا – INA – نەسار حافز
ئەمڕۆ دووشەممە، ڕاوێژکاری سەرۆک وەزیران، فەرهاد عەلائەدین، جەختی کردەوە کە سەردانەکەی سەرۆک وەزیران بۆ ویلایەتە یەکگرتووەکانی ئەمریکا، ئەنجامی گرنگی لەسەر ئاستەکانی سیاسی، ئابووری و وەبەرهێنان بەدیهێناوە، هاوكات ئاماژەی بەوەشکرد کە دەرئەنجامەکانی سەردانەکە وەردەگێڕدرێنە سەر پڕۆژە، دەرفەتی کار و وەبەرهێنانی ڕاستەقینە کە بەشدار دەبن لە هەمەجۆکردنی ئابووری، بەهێزکردنی ڕۆڵی کەرتی تایبەت و باشترکردنی ئاستی خزمەتگوزارییەکان.
عەلائەدین بە ئاژانسی هەواڵی عێراقی (INA)ی ڕاگەیاند: "سەردانە فەرمییەکەی شاندی عێراقی بە سەرۆکایەتیی سەرۆکی ئەنجومەنی وەزیران بۆ ویلایەتە یەکگرتووەکانی ئەمریکا، ئەنجامی گرنگی لەسەر ئاستەکانی سیاسی، ئابووری و وەبەرهێنان بەدیهێنا، و بەشداربوو لە چەسپاندنی پێگەی عێراق وەک هاوبەشێکی جێگەی متمانە کە هەوڵی بنیاتنانی پەیوەندیی هاوسەنگی بنەڕەتنراو لەسەر بەرژەوەندیی هاوبەش و ڕێزگرتن لە سەروەری دەدات".
ڕوونییشی کردەوە کە "سەردانەکە شاهیدی گفتوگۆی بەرهەمدار بوو لەگەڵ سەرۆکی ئەمریکا و بەرپرسانی باڵای ئیدارە و کۆنگرێس، لەپاڵ دیدارگەلێکی بەرفراوان لەگەڵ گەورە کۆمپانیا ئەمریکییەکان، کە بوونە هۆی کردنەوەی ڕێڕوێکی نوێ بۆ هاوکاریی ئابووری و وەبەرهێنان، و واژۆکردنی دەیان یاداشتنامەی لێکتێگەیشتن لە کەرتەکانی وزە، ژێرخان، پیشەسازی، تەندروستی، بازرگانی و کەرتی داراییدا".
ئاماژەی بەوەشکرد کە "قۆناغی داهاتوو سەرنج دەخاتە سەر وەرگێڕانی دەرئەنجامەکانی سەردانەکە بۆ پڕۆژە، دەرفەتی کار و وەبەرهێنانی ڕاستەقینە کە بەشداربن لە هەمەجۆکردنی ئابووریدا، سەرۆکایەتیی ئەنجومەنی وەزیران ڕێنماییداوە بە بەهێزکردنی ڕۆڵی کەرتی تایبەت و بەرزکردنەوەی ئاستی خزمەتگوزارییەکان، بە شێوەیەک کە خواستەکانی گەلی عێراق بەدی بهێنێت و پاڵپشتیی سەقامگیری و گەشەسەندنی وڵات بکات".