بەغدا – INA
وەزارەتی بازرگانی، ئهمڕۆ دووشەممە، دەستپێکردنەوەی سەرجەم خزمەتگوزارییەکانی کارتی کۆبۆنی خۆراکی لە ڕێگەی ئەپڵیکەیشنی کارتی ئەلیکترۆنییەوە ڕاگەیاند.
وەزارەتەکە لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه ، دوای وەستانێک کە زیاتر لە سێ ساڵی خایاند، دەستپێکردنەوەی سەرجەم خزمەتگوزارییەکانی کارتی کۆبۆنی خۆراک لە ڕێگەی ئەپڵیکەیشنی کارتی ئەلیکترۆنییەوە ڕادەگەیەنێت، بە شێوازێک کە ڕێگە بە هاووڵاتییان دەدات داواکارییەکانیان بە ئاسانی بە شێوازی ئەلیکترۆنی پێشکەش بکەن، بێ پێویستبوون بە سەردانیکردنی فەرمانگەکانی سەر بە وەزارەت.
ههروهها ئهوهیش هاتووه كه، "پێشکەشکردنی کۆتا خزمەتگوزاری کە خزمەتگوزاریی گواستنەوە (نەقل) بوو، بەیەکجار لە سەرجەم پارێزگاکاندا دەستی پێکرد، بە لقی پارێزگاکانی هەرێمی کوردستانیشەوە، بەڵام تووشی ئاستەنگی تخنیکی بووینەوە کە لە ئەنجامی هەندێک لە کۆمپانیا دابینکەرەکانی خزمەتگوزارییە پەیوەندیدارەکانی سیستەمەکەوە دروستبوون، ئەمەش بووە هۆی کاتییانەی کاریگەربوونی خزمەتگوزارییەکە"، ئاماژەی بەوەش کردووە کە "لە یەکەم ساتەکانەوە، فەرمانگەی پەیوەندیدار دەستی کرد بە گرتنەبەری ڕێکارە تخنیکییە پێویستەکان بۆ چارەسەرکردنی کەموکوڕییەکە، و خزمەتگوزارییەکە گەڕێنرایەوە بۆ باری سروشتی و جێگیری خۆی."
له راگهیندراوهكهدا ئهوهیش هاتووه كه: "هەروەها لیژنەیەکی وەزاریی تایبەتمەند پێکهێنرا بۆ بەدواداچوون و گەڕاندنەوەی ئەو بڕە پولەی کە لە هەندێک لە هاووڵاتییان بڕدرابوو لە ئەنجامی سەرنەکەوتنی پرۆسەکانی دانی پارەی ئەلیکترۆنی، بەهۆی گوشاری زۆر لەسەر کۆمپانیاکانی دانی پارەی ئەلیکترۆنیی دەرکەرەکانی کارتەکە و نەگونجانیان لەگەڵ ژمارە زۆرەکانی داواکارییەکان، بە ئامانجی دەستەبەرکردنی پاراستنی مافی هاووڵاتییان و گەڕاندنەوەی شایستە داراییەکانیان."
وەزارەتی بازرگانی جەختی لەسەر پەرۆشی خۆی کردەوە بۆ پێشکەشکردنی باشترین خزمەتگوزارییە ئەلیکترۆنییەکان، و بەردەوامبوون لە گەشەپێدان و نوێکردنەوەیان، بە جۆرێک کە بەشداربێت لە ئاسانکاریی ڕێکارەکان و بەرزکردنەوەی ئاستی کوالیتیی خزمەتگوزارییە پێشکەشکراوەکان بۆ هاووڵاتییان.