وەزارەتی دەرەوەی ئەمەریکا لە هۆشدارییەکی بەپەلەدا داوا لە هاوڵاتیانی ئەمەریکا لە سەرانسەری جیهان دەکات ئاستی وریاییان بەرز بکەنەوە و ئامادە بن لە ئەگەری تێکچوونی زیاتری دۆخی ڕۆژهەڵاتی ناوەڕاست.
لە ڕاگەیێندراوێکی وەزارەتی دەرەوەدا هاتووە، "بە بیر ئەمریکاییەکانی ناوچەکەی دەخەینەوە کە پێویستە بە بەردەوامی وریا بن و هانیان دەدەین چاودێری هەواڵەکان بکەن بۆ پێشهاتە لەناکاوەکان."
وەزارەتی دەرەوەی ئەمەریکا ئامۆژگاری ئەمەریکاییەکان لە سەرانسەری جیهان و بەتایبەتی لە ڕۆژهەڵاتی ناوەڕاست دەکات، "زیاتر وریا بن" ئاگاداری ئەو ڕێنماییانە بن کە لەلایەن باڵیۆزخانەکانی ئەمەریکا لە وڵاتانەوە دەردەکرێن.
وەزارەتی دەرەوە ئاماژە دەکات بە ئەگەری ڕاگرتنی گەشتە ئاسمانییەکان و دەڵیت ناوەندە دیپلۆماسییەکانی ئەمەریکا لە ڕۆژهەڵاتی ناوەڕاست کراونەتە ئامانج.
دەڵێت شیانی هەیە گرووپە چەکدارەکانی نزیک لە ئێران لە سەرانسەری جیهان ئەو شوێنانە بکەنە ئامانج کە گرێدراون بە بەرژەوەندییەکانی ئەمەریکا.cha