دیمەشق - INA- ڕەنیم محەمەد
دەستەی گشتی سوریا بۆ فڕۆكەوانی مەدەنی و گواستنەوەی ئاسمانی بەردەوامبوون و سستەمی جوڵەی كەشتی ئاسمانی نێوان سوریا و عێراق لەڕێگەی گەشتەئاسمانییەكانی نزیكەی ڕۆژانەی ڕاگەیاند، ئامادەیی فڕۆكەخانەی نێودەوڵەتی دیمەشقی پشتڕاست كردەوە بۆ دابینكردنی هەموو ئاسانكارییەكان بۆ برا گەشتیارانی عێراقی.
مستەفا خەیروڵڵا سەرۆكی بەشی ڕاگەیاندنی دەستەكە بە ئاژانسی هەواڵی عێراقی (INA)ی ڕاگەیاند : بەخێرهاتنی برا عێراقییەكانمان دەكەین بۆ ماڵی دووەمیان كە سوریایە، جەختیشی لەوە كردەوە كە گەشتی بەردەوام و بەردەوام هەیە كە هەردوو وڵاتی برایان بەیەكەوە دەبەستێتەوە.
خەیروڵڵا ئاماژەی بەوەشكرد : فڕۆكەخانەی نێودەوڵەتی دیمەشق شاهیدی هاتوچۆی ئاسمانی چالاكە، كە نزیكەی ڕۆژانە گەشتەكانی دیمەشقی پایتەخت بە بەغدای پایتەختەوە دەبەستێتەوە، جگە لە گەشتە ئاساییەكانی نێوان دیمەشق و هەولێر.
ڕوونیشیكردەوە : دەستەی گشتی بۆ فڕۆكەوانی مەدەنی و گواستنەوەی ئاسمانی لەگەڵ سەرجەم ستافەكانی كاردەكات بۆ دابینكردنی خزمەتگوزاری و ئاسانكاری لۆجستیی پێویست بۆ هاوگەشتیارانمان، دڵنیابوون لە ڕەوتی گەشتە ئاسمانییەكان بە ئاسانی و ئاسوودە لە نێوان هەردوو وڵاتدا.