بەغدا – INA
دەستەی دەسپاکی فیدراڵی، ئەمڕۆ پێنجشەممە، دەرچوونی حوکمێکی ئامادەیی بە "زیندانیی توند" بۆ پەرلەمانتار محەمەد کەربوولی ڕاگەیاند، بەهۆی تێوەگلانی لە تاوانی بەرتیل وەرگرتن.
لە ڕاگەیەندراوێکی دەستەکەدا کە بۆ ئاژانسی هەواڵی عێراقی (INA) نێردراوە، تێیدا هاتووە: "دادگای تاوانەکانی ناوەندی بۆ بەرەنگاربوونەوەی گەندەڵی، حوکمێکی ئامادەیی بە زیندانیی توند بۆ ماوەی دوو ساڵ بۆ (محەمەد ناسر دەلی کەربوولی)، ئەندامی ئێستای ئەنجومەنی نوێنەران دەرکردووە، لەگەڵ غەرامەکردنی بە بڕی ١٠ ملیۆن دینار."
ڕاگەیەندراوەکە ڕوونیکردووەتەوە کە سزادانی ناوبراو لەسەر ئەو بنەمایە بووە کە "داوای بڕی (٥٠) هەزار دۆلاری کردووە، لە بەرامبەر دەستێوەردان بۆ داخستنی ئەو لیژنە لێکۆڵینەوانەی لە دژی سکاڵاکارێک لە بەڕێوەبەرایەتیی پەروەردەی کەرخی یەکەم پێکهێنرابوون، هەروەها بۆ هێشتنەوەی سکاڵاکارەکە لە پۆستەکەیدا وەک بەڕێوەبەری یەکێک لە قوتابخانەکان."
دەستەی دەسپاکی ئاماژەی بەوەش کردووە کە دادگا دوای بینینی بەڵگە و سەلمێنەرەکان، گەیشتووەتە ئەو بڕوایەی کە بەڵگەکان تەواو و قەناعەتپێکەرن بۆ مەحکومکردنی تۆمەتبارەکە، بۆیە بڕیاری سزادانی بەپێی ئەحکامەکانی بڕیاری ژمارە (١٦٠ی ساڵی ١٩٨٣) دەرکردووە.