بەغداد – INA
سەرۆکی ئەنجومەنی نوێنەران هەیبەت حەلبوسی، بانگهێشتنامەیەکی فەرمی ئاراستەی عەبدولحەمید عەواک، هاوتا سوورییەکەی کرد بۆ سەردانیکردنی عێراق.
لە بەیاننامەیەکی فەرمانگەی ڕاگەیاندنی ئەنجومەنی نوێنەراندا کە بۆ ئاژانسی هەواڵی عێراقی نێردراوە، هاتووە: "سەرۆکی ئەنجومەنی نوێنەران هەیبەت حەلبوسی، پەیوەندییەکی تەلەفۆنی لەگەڵ سەرۆکی ئەنجومەنی گەلی کۆماری عەرەبیی سووریا عەبدولحەمید عەواک ئەنجامدا، و تێیدا پیرۆزبایی هەڵبژاردنی وەک سەرۆکی نوێی ئەنجومەن لێکرد، و هیوای سەرکەوتنی بۆ خواست لە ڕاپەڕاندنی ئەرکەکانیدا بە شێوازێک کە بەرژەوەندی و خواستەکانی گەلی دۆست و برای سووریا بەدی بهێنێت."
بەپێی بەیاننامەکە، لە کاتی پەیوەندییە تەلەفۆنییەکەدا جەخت لەسەر گرنگی پەرەپێدانی پەیوەندییە دووقۆڵییەکانی نێوان هەردوو وڵات و بەهێزکردنی هاوکارییەکان کرایەوە بە جۆرێک کە خزمەت بە بەرژەوەندییەکانی هەردوو گەلی برا بکات.
هەروەها سەرۆکی ئەنجومەنی نوێنەران بانگهێشتنامەیەکی فەرمی ئاراستەی هاوتا سوورییەکەی کرد بۆ سەردانیکردنی عێراق، وەک جەختکردنەوەیەک لەسەر پەرۆشی هەردوو وڵات بۆ پتەوکردنی پەیوەندییە پەرلەمانییەکان و فراوانکردنی ئاسۆکانی هاوکاری هاوبەش.