بەغداد - INA - ویسام مەلا
ئەمڕۆ سێشەممە، وەزیری تەندروستی، عەبدولحسێن موسەوی، پلانێکی بۆ دابینکردنی دەرمانی شێرپەنجە ڕاگەیاند و ئاماژەی بە گەیشتنی چەند وەجبەیەکی دەرمانی شێرپەنجە و بەڕێوەبوونی دفعاتی دیکە کرد.
وەزیری تەندروستی، عەبدولحسێن موسەوی لە لێدوانێکدا بۆ ئاژانسی هەواڵی عێراقی (INA) ڕایگەیاند: "وەزارەت پلانێکی هەیە بۆ دابینکردنی دەرمانی شێرپەنجە لە باشترین و بەناوبانگترین سەرچاوە جیهانییەکانەوە، و لە یەکەم ڕۆژی دەستبەکاربوونمانەوە لە وەزارەت، بەدواداچوونی ڕژدمان بۆ ئەم دۆسیە هەستیارە کردووە."
ئاماژەی بەوەش کرد کە "گرێبەستەکانی تایبەت بە دەرمانی شێرپەنجە هەن و چەند وەجبەیەک گەیشتوونەتە کۆمپانیای گشتی (کیمادیا) و ئەوانی دیکەش لە ڕێگەدان بۆ گەیشتن؛ ئێمە بە توندی هەوڵ دەدەین بەردەوام دەرمان بۆ ئەو نەخۆشانە دابین بکەین کە بەدەست شێرپەنجەوە دەناڵێنن."
وتیشی: "بە بەردەوامی جەخت لەوە دەکەینەوە کە هەندێک دۆسیە هەن لانی هەرە بەرزی هەستیارییان هەیە، لەوانەش دۆسیەی دەرمانی شێرپەنجە، چونکە لایەنی پەیوەندیدار بەم بابەتەوە تەنها نەخۆشەکان نین، بەڵکو خێزانەکانیان و ئەوانەش کە خەمخۆریانن دەگرێتەوە، و هیوادارین هیچ کەمتەرخەمییەک لەم دۆسیەیەدا ڕووی نەمێنێت."