نێودەوڵەتی – INA
وەزارەتی بەرگریی ئیمارات ڕایگەیاند، دوو کەشتیی بارهەڵگری نیشتمانی لە ڕێڕەوی باشووری گەرووی هورموز بە دوو موشەکی ئێرانی کراونەتە ئامانج.
وەزارەتی بەرگریی ئیمارات لە بەیاننامەیەکدا بڵاویکردەوە، دوو کەشتیی بارهەڵگری نیشتمانی لە کاتی بوونیان لە ڕێڕەوی باشووری گەرووی هورموز لەناو ئاوەکانی عوماندا، بە دوو موشەکی ئێرانی کراونەتە ئامانج.
ئاماژەی بەوەش کردووە کە هێرشەکە بووەتە هۆی کوژرانی یەکێک لە ئەندامانی تیمی یەکێک لە کەشتییەکان و برینداربوونی هەشت کەسی تر، کە چواریان برینەکانیان سەختە؛ ئەمە جیا لە گەیاندنی زیانی ماددی بە هەردوو کەشتییەکە بەهۆی کەوتنەوەی ئاگرێکەوە کە توانراوە کۆنترۆڵ بکرێت.
وەزارەتەکە هێرشەکەی سەرکۆنە کرد و بە هێرشێکی "ئاشکرا و دەستدرێژیکارانە" وەسفی کرد، و جەختی کردەوە کە ئەمە پێشێلکارییەکی مەترسیدار و شکاندنێکی ڕوونی یاسای نێودەوڵەتییە، و هەڕەشە لە ئاسایش و سەقامگیریی ناوچەکە دەکات.
لە بەیاننامەکەدا هاتووە: "مافی تەواوی خۆمان دەپارێزین لە وەڵامدانەوەی ئەم پەرەسەندنە و گرتنەبەری سەرجەم ڕێکارە پێویستەکان بۆ پاراستنی خاکی خۆمان، و ئێمە لە حاڵەتی ئامادەباشی تەواوداین بۆ مامەڵەکردن لەگەڵ هەر هەڕەشەیەک و سەرجەم ڕێکارەکان دەگرینەبەر بۆ ڕووبەڕووبوونەوەی هەر شتێک کە ئامانجی تێکدانی ئاسایشی وڵات بێت."
لەلایەن خۆیەوە، دەستەی ئۆپەراسیۆنەکانی بازرگانیی دەریایی بەریتانیا ڕایگەیاند کە ئاگادارکردنەوەیەکیان پێگەیشتووە سەبارەت بە ڕووداوێکی دەریایی کە لە دووری ٤٠ میلی دەریایی لە باکووری ڕۆژهەڵاتی شاری قەلهاتی عومانی ڕووی داوە، لە کاتێکدا
دەستەکە لە بەیاننامەیەکدا بڵاویکردەوە کە کاپتنی یەکێک لە کەشتییەکان ڕایگەیاندووە ژووری بزوێنەر لە بەشی ڕاستەوە بەر تەنێکی تەقێنراو کەوتووە کە جۆرەکەی دیاری نەکراوە، و جەختی کردەوە کە سەرجەم ئەندامانی تیمەکە سەلامەتن، و هیچ زیانێکی ژینگەیی تۆمار نەکراوە.