بەغدا - INA
ئەمڕۆ شەممە بەڕێوەبەرایەتی گشتی ئاوی سەر بە وەزارەتی ئاوەدانكردنەو ە نیشتەجێكردن و شارەوانی گشتی، خێراكردنی كارەكانی هێڵی گواستنەوەی بۆ پڕۆژەی ئاوی بەسرە ڕاگەیاند.
بەڕێوەبەری گشتی بەڕێوەبەرایەتی گشتی ئاو، عەمار عادل حسێن لە بەیاننامەیەكی ڕۆژنامەوانیدا كە بە ئاژانسی هەواڵی عێراقی (INA) گەیشتووە و ڕایگەیاند : خێرای كاركردن لەسەر ڕاكێشانی هێڵی گەیاندن لە ناو پرۆژەی ئاوی بەسرە/قۆناغی یەك، لە ناوچەی پردی سەربازی، ڕوو لە زیادبوون دەكات، لەگەڵ بەردەوامبوونی كاركردن لەسەر سیستمی دوو شۆفتی (شەو و ڕۆژ) بۆ خێراكردنی تەواوكردنی.
ئاماژەی بەوەشكرد : تیمەكانی ئەندازیاری و تەكنیكی ژمارەیەكی بەرچاو لە كارەكانی پەڕینەوە شاراوەكان تەواوكردووە وەك بەشێك لە پلانی تەواوكردنی بەشەكانی دیكەی هێڵی گواستنەوەكە كە درێژییەكەی 37 كیلۆمەترە، ئەمەش ئاماژەیە بۆ ئەوەی پڕۆژەكە شایەتحاڵی پێشكەوتنی بەرچاوە لە ڕێژەی جێبەجێكردنیدا.
ئاماژەی بەوەشكرد : پڕۆژەی ئاوی بەسرەی گەورە پڕۆژەیەكی گرنگ و ستراتیژییە لە پارێزگای بەسرە، و لە پرۆژەكانی بەرنامەی حكومی وەزارەتدا جێگیركراوە، ئاماژەی بەوەشكرد، قۆناغی یەكەم نوێنەرایەتی ئەو بۆرییە دەكات كە تەواوی ناوەندی شارەكە دابین دەكات و درێژەپێدەری قۆناغی سێیەم و چوارەمی پڕۆژەكەیە (وێستگەی حارسە)، بە توانای دیزاینكردنی 200 هەزار متر لە كاتژمێرێكدا.
لای خۆیەوە، ئەندازیاری نیشتەجێی پڕۆژەكە مورتەزا محەمەد، ڕایگەیاندووە بەپێی بەیاننامەكە : كە ڕێژەی تەواوبوونی 86.5%ی تێپەڕاندووە، ڕوونیكردەوە كە تیمەكانی ئەندازیاری نزیكەی 26.5 كم لە بۆرییەكە تەواوكردووە، لەكاتێكدا كارەكانی ئێستا بریتین لە گواستنەوەی بۆری كۆنكرێتی (بۆری جاككردن) و ئامادەكاری بۆ تونێلكردن بە بەكارهێنانی TBM.
جەختیشی لەوە كردەوە : كە پڕۆژەی ئاوی بەسرەی گەورە نوێنەرایەتی هەنگاوێكی پێشەنگانە دەكات بەرەو باشتركردنی سیستەمی ئاو لە پارێزگاكەدا و بە یەكێك لە دیارترین پڕۆژە ستراتیژییەكانی عێراق دادەنرێت بۆ دەستەبەركردنی ئاوی خواردنەوە لە سەنتەری شاری بەسرە.