بەغداد - INA
موسەنا تەمیمی، وەزیری سەرچاوە ئاوییەکان، و کلێمنس سیمتنەر، باڵیۆزی نێردەی یەکێتیی ئەوروپا لە عێراق، ئەمڕۆ سێشەممە، باسیان لە بەرەنگاربوونەوەی تەحەدییەکانی کەمئاوی و لێکەوتەکانی گۆڕانی کەشوهەوا کرد.
نووسینگەی ڕاگەیاندنی وەزارەتی سەرچاوە ئاوییەکان لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "موسەنا تەمیمی، وەزیری سەرچاوە ئاوییەکان، لە کاتی دیداریدا لەگەڵ کلێمنس سیمتنەر، باڵیۆزی نێردەی یەکێتیی ئەوروپا لە عێراق و شاندی هاوڕێی، باسیان لە ڕێگاکانی بەهێزکردنی میکانیزمی هاوکاری و هەماهەنگیی هاوبەش، و پەرەپێدانی کار لە کەرتی بەڕێوەبردنی سەرچاوە ئاوییەکاندا کرد؛ ئەمەش لە هەنگاوێکدا کە ئامانج لێی بەرەنگاربوونەوەی تەحەدییەکانی کەمئاوی و لێکەوتەکانی گۆڕانی کەشوهەوایە، کە بە شێوەیەکی تادێ زیاتر کاریگەری لەسەر عێراق دادەنێن".
له راگهیندراوهكهدا ئهوهیش هاتووه كه: "لە کاتی دیدارەکەدا، چوارچێوەکانی هاوکاریی ئێستا و ڕێگاکانی فراوانکردنیان خرایە ڕوو، بەتایبەتی لە بوارەکانی باشترکردنی بەڕێوەبردنی سەرچاوە ئاوییەکان، دەستپێوەگرتنی بەکارهێنانی ئاو، پاڵپشتیکردنی پڕۆژەکانی ئاودێریی مۆدێرن، و سوودوەرگرتن لە شارەزاییەکانی ئەوروپا لە کەرتی ئاودا".
لە کۆتاییدا ئاماژەی بەوە کردووە: "هەردوولا جەختیان لەسەر گرنگیی کاراکردنی بەندەکانی ڕێککەوتننامەی هاوبەشی نێوان عێراق و یەکێتیی ئەوروپا کردەوە لە بواری ئاودێریدا، لەگەڵ تیشکخستنە سەر ئەو پڕۆژە داهاتووییانەی کە دەبنە هۆی بەهێزکردنی توانای عێراق بۆ خۆگونجاندن لەگەڵ کەمیی سەرچاوە ئاوییەکاندا، فەزلەن لە پاڵپشتیکردنی پلانە خوازراوەکانی وەزارەت لە نوێکردنەوەی ژێرخانەکاندا، بە شێوازێک کە بەشدار بێت لە بەدیهێنانی ئاسایشی ئاو و گەشەپێدانی بەردەوامدا".