بەغدا – INA
ئەمڕۆ یەکشەممە،بەڕێوەبەرایەتیی بەرگریی شارستانی،کۆمەڵێک ڕێنمایی و ئامۆژگاریی گرنگی بۆ هاووڵاتییان بڵاوکردەوە بە مەبەستی خۆپاراستن لە مەترسییەکانی بەرزبوونەوەی پلەکانی گەرما لە وەرزی هاویندا، کە بریتیین لە:
1.پاراستنی ئۆتۆمبێل:
* دوورخستنەوەی ماددە غازییەکان کە ئەگەری تەقینیان هەیە.
* دوورخستنەوەی جۆرەکانی چەرخ .
* نەهێشتنی شوشەی ئاو و خواردنەوە گازییەکان لە ناو ئۆتۆمبێلدا.
* دوورخستنەوەی عەتر و پاتری ئامێرە ئەلیکترۆنییەکان.
* تەنککردنەوە (کردنەوەی کەمی) پەنجەرەکانی ئۆتۆمبێل بۆ ئەوەی هەوای ناوەوە بگۆڕێت.
* پڕنەکردنی تانکیی بەنزین بەتەواوی.
* پڕکردنی بەنزین لە کاتەکانی بەیانی زوو یان ئێواراندا.
* خۆبەدوورگرتن لە سەفەرکردن لەو کاتانەی پلەی گەرما لە لوتکەدایە.
* زیادنەکردنی هەوای تایەی ئۆتۆمبێل بەتایبەت لە کاتی گەشتکردندا.
2.سەلامەتیی گشتی و کارەبا:
* دانەنانی بوتڵی غازی چێشتلێنان لەو شوێنانەی ڕاستەوخۆ بەر تیشکی خۆر دەکەون.
* کەمکردنەوەی باری کارەبا لەسەر محەویلە و خاڵەکانی کارەبا.
* بەکارهێنانی سپلیت و ئامێرەکانی فێنککەرەوە تەنها لەو شوێنانەی کە کەسی لێیە.
* بەکارهێنانی ئامێری پاراستنی کارەبای کوالێتی بەرز.
* دوورکەوتنەوە لە بەکارهێنانی کێبڵ و کۆمۆتەی کوالێتی خراپ.
* سەرنجدان بۆ ڕێگریکردن لە تێکەڵبوونی کارەبای نیشتمانی و مۆلیدە .
* درووستنەکردنی بارگرانی زیاتری کارەبا لەسەر وایەرەکان و بەکارنەهێنانی چەند کێبڵێک لە یەک بڕبڕەدا.
3. مەلەکردن:
* دابینکردنی هەموو پێداویستییەکانی سەلامەتی لە مەلەوانگەکان و پابەندبوون بە ڕێنماییەکانی قووڵی.
* خۆبەدوورگرتن لە مەلەکردن لە ڕووبارەکان،ئەگەر نا، تەنها ئەو شوێنانە هەڵبژێردرێن کە پێشتر تاقیکراونەتەوە و سەلامەتن.
تێبینی:لە کاتی هەر حاڵەتێکی نەخوازراودا، پەیوەندی بە ژمارەی فریاگوزاریی بێ بەرامبەر (911)بکەن.