بەغدا - INA
ئەمڕۆ شەممە قاسم عەبودی ڕاوێژكاری ئاسایشی نیشتمانی و شێخ قەیس خەزعەلی ئەمینداری گشتیی ئەسائیب ئەهلی حەق جەختیان لە سەر پێویستی پشتیوانی لە هەوڵەكانی حكومەت بۆ بەرەنگاربوونەوەی گەندەڵی و بەرتەسككردنەوەی چەك لە دەوڵەتدا كردەوە.
نووسینگەی ڕاگەیاندنی ڕاوێژكاری ئاسایشی نیشتمانی لە بەیاننامەیەكی ڕۆژنامەوانیدا كە بە ئاژانسی هەواڵی عێراقی (INA) گەیشتووە و ڕایگەیاندووە كە : قاسم عەبودی ڕاوێژكاری ئاسایشی نیشتمانی لەگەڵ ئەمینداری گشتی عەسائیب ئەهلی حەق شێخ قەیس خەزعەلی كۆبووەوە.
لە بەیاننامەكەدا ڕوونی كردەوە : كە لە كۆبوونەوەكەدا باس لە دۆخی گشتی وڵات و ڕێگاكانی بەرزكردنەوەی یەكگرتنی سیاسی لەنێوان هێزە نیشتمانییەكاندا كرا، كە ئەمەش كاریگەری ئەرێنی لەسەر دەوڵەت و هاووڵاتیانی دەبێت.
ئاماژە بەوەشكراوە : گرنگی پاڵپشتیكردن لە هەوڵەكانی حكومەت، بە سەركردایەتی عەلی فالح زەیدی، بۆ بەرەنگاربوونەوەی گەندەڵی و بەرتەسككردنەوەی چەك بۆ دەوڵەت و باشتركردنی خزمەتگوزارییەكان و بوژاندنەوەی ئابووری جەختی لەسەر كراوەتەوە، ئەمەش ڕێگە خۆشكرد بۆ عێراقێكی سەقامگیرتر لەسەر هەموو ئاستەكان.