جودیت بەتلەر بیرمەند و فەیلەسوفێکی دیاری بواری توێژینەوەی جێندەر و فەلسەفەی سیاسی، ئەخلاق، شیکاری دەروونی و بوارەکانی تیۆری فێمینیسمە لە ئەمەریکا.
خاتوو جودیت ساڵی 1956 لەدایک بووە و ئێستا لەگەڵ خاتوو وێندی براون لە پەیوەندی هاوبەشی خۆشەویستیدایە.
ئەو نووسەرێکی دیاری ئەمەریکایە کە باسی مافەکانی ژنان و جیاوازییە کۆمەڵایەتییەکان دەکات؛ نوسینەکانی باسی ئەوە دەکەن کە چۆن کۆمەڵگە ڕۆڵی ژن و پیاو دروست دەکات.
ئەو بۆ یەکسانی و قبووڵکردنی جیاوازییەکان دەنووسێت و خەبات دەکات. بیرۆکەکانی بەها دیموکراتییەکانی وەک ئازادی و یەکسانی بەهێز دەکەن.
لە دونیای دیموکراتیدا، بیرکردنەوەی نوێ گرنگە بۆ تێگەیشتن لە کۆمەڵگە. جودیت بەتلەر نموونەیەکی باشە بۆ خوێندنەوە و گۆڕانکاری.
بیرۆکەکانی فێرمان دەکەن کە دەبێت بە کراوەیی بیر بکەینەوە و مافی هەمووان بەرز بکەینەوە.