بەغدا –INA
دەستەی کەشناسیی عێراق، ئەمڕۆ هەینی، وردەکاریی دۆخی کەشوهەوای وڵاتی بۆ ڕۆژانی داهاتوو ڕاگەیاند، و پێشبینی ئاسمانێکی ساماڵ و بەرزبوونەوەیەکی کەمی پلەکانی گەرما دەکات.
بەپێی ڕاگەیەندراوی دەستەکە، کە بۆ ئاژانسی هەواڵی عێراقی (INA) نێردراوە: "سبەی شەممە، کەشوهەوا بە گشتی ساماڵ دەبێت لەگەڵ پەیدابوونی هەندێک هەور لە ناوچەی باکوور، پلەکانی گەرماش لە سەرتاسەری وڵات نزیک دەبن لە پلەکانی ڕۆژی پێشوو."
هەروەها بەرزترین پلەکانی گەرما بۆ سبەی شەممە لە پارێزگاکان بەم شێوەیە دەبێت:
دهۆک، سلێمانی و هەولێر: ٣٩ پلە
نەینەوا: ٤١ پلە
کەرکوک: ٤٢ پلە
دیالە و بابل: ٤٣ پلە
سەڵاحەدین، ئەنبار و کەربەلای پیرۆز:٤٤ پلە
بەغدا، واست، دیوانییە و نەجەفی ئەشرەف: ٤٥ پلە
میسان: ٤٦ پلە
موسەنا، زیقار و بەسرە:٤٧ پلە
ڕاگەیەندراوەکە ئاماژەی بەوەش کردووە: "ڕۆژی یەکشەممە، کەشوهەوا بە گشتی ساماڵ دەبێت لەگەڵ پەیدابوونی هەندێک هەور لە ناوچەی باکوور، پلەکانی گەرماش نزیک دەبن لە پلەکانی ڕۆژی پێشوو."
هەروەها هاتووە: "کەشوهەوای ڕۆژی دووشەممە، بە گشتی ساماڵ دەبێت و پلەکانی گەرما کەمێک بەراورد بە ڕۆژی پێشوو لە سەرتاسەری وڵات بەرز دەبنەوە."
لە کۆتاییدا هاتووە: "سێشەممەی داهاتوو، کەشوهەوا بە گشتی ساماڵ دەبێت و پلەکانی گەرما هاوشێوەی پلەکانی ڕۆژی پێشوو بە جێگیری دەمێننەوە.