بەغداد – INA
ڕاوێژکاری ئاسایشی نیشتمانی، قاسم عەبوودی، ئەمڕۆ سێشەممە، دووپاتی کردەوە کە ستراتیژی نوێی ئاسایشی نیشتمانی ئاڕاستەی عێراق بەرەو بەردەوامیی ئاسایشەکەی دیاری دەکات.
ڕاوێژکاریی ئاسایشی نیشتمانی لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "ڕاوێژکاری ئاسایشی نیشتمانی، قاسم عەبوودی، ئەمڕۆ سێشەممە، سەرۆکایەتی کۆبوونەوەیەکی کرد بۆ تاووتوێکردنی میکانیزمەکانی کاراکردنی جێبەجێکردنی ستراتیژی نوێی ئاسایشی نیشتمانیی عێراق، بە ئامادەبوونی سەرکردە سەربازی و ئەمنییەکان و ڕاوێژکارانی سەرۆکایەتی ئەنجومەنی وەزیران"، ڕوونیشیکردەوە کە "لە کۆبوونەوەکەدا باسی میکانیزمەکانی کاراکردنی جێبەجێکردنی ستراتیژی نوێی ئاسایشی نیشتمانیی عێراق و گونجاندنی کرا لەگەڵ گۆڕانکارییە ناوچەیی و نێودەوڵەتییەکاندا، بە جۆرێک کە ئامانجەکانی بەردەوامیی ئاسایش و سەقامگیری لەسەر ئاستی ناوخۆیی، و هەروەها ناوچەیی و نێودەوڵەتیدا بەدی بهێنێت".
ههروهها ئهوهیش هاتووه كه "کۆبوونەوەکە وەک جێبەجێکردنی ئاڕاستەکانی حکومەت هات کە ئامانجیان بەهێزکردنی ئاسایش، سەقامگیری و گەشەسەندنی دەوڵەت و پاراستنی ئاسایشی هاووڵاتییانە، لەژێر تیشکی ئەو بنەمایانەی کە ستراتیژی نوێی ئەمنی کێشاویەتی".
عەبوودی جەختی کردەوە کە "ستراتیژی نوێی ئاسایشی نیشتمانیی عێراق ڕێڕەوێکە کە ئاڕاستەی عێراق بەرەو بەردەوامیی ئاسایش و سەقامگیرییەکەی دیاری دەکات، و لە هەمان کاتدا هێڵە گشتییەکانی داهاتوویەکی ئەمنی ڕوون بەپێی گۆڕانکاری و ئەگەرە پێشبینیکراوەکان دەکێشێت"، ئاماژەشی بەوە کرد کە "ئەم ستراتیژییە وەک نەخشەی ڕێگەیەکە کە لە پێشینەکانی ئاسایشی نیشتمانیی عێراق دیاری دەکات".