کەربەلای پیرۆز - INA
ئەمیندارێتی گشتیی عەتەبەی عەباسیی پیرۆز، ئەمڕۆ هەینی، سەرکەوتنی پلانەکانی خۆی بۆ یادکردنەوەی شەهیدبوونی ئیمام حوسێن و ئەهلی بەیتی پەیڕەوکەرانیان (سڵاوی خوایان لێبێت) لە ڕۆژی عاشورادا ڕاگەیاند، و جەختیشی لە پێشکەشکردنی خزمەتگوزاریی گشتگیر و بێخەوش کردەوە بۆ ئەو زیارەتکارانەی ڕوویان لە شاری کەربەلای پیرۆز کردووە.
مستەفا مورتەزا ئال زیا ئەدین، ئەمینداری گشتیی عەتەبەی عەباسیی پیرۆز، لە بەیاننامەیەکدا کە دەست ئاژانسی هەواڵی عێراقی (INA) کەوتووە، ڕایگەیاندووە:"پلانە ڕێکخستن و خزمەتگوزارییەکانی تایبەت بە زیارەتی عاشورا بە سەرکەوتوویی جێبەجێ کران." هاوكات ستایشی هەوڵەکانی ستافە کارا و خزمەتگوزارییەکانی کرد کە بەشداربوون لە ڕەوانبەڕێوەچوونی زیارەتەکە و دابینکردنی باشترین خزمەتگوزاری بۆ ماتەمگێڕان و زیارەتکاران.
ناوبراو سوپاس و پێزانیی سەرپەرشتیاری شەرعیی عەتەبەی عەباسیی پیرۆز و بریکاری مەرجەعیەتی باڵای ئاینی، سەید ئەحمەد تاهیری سافی گەیاندە سەرجەم کارمەندان و خزمەتگوزاران، و ڕێزی گرت لە هەوڵەکانیان بۆ سەرخستنی ڕێوڕەسمەکانی زیارەتەکە و زیندووکردنەوەی دروشمە حوسێنییەکان، و داواشی لە خوای گەورە کرد کە کارەکانیان قبوڵ بکات و بیخاتە تەرازووی چاکەکانیانەوە.