ئەمڕۆ هەینی هێزەکانی بەرگری ئیسرائیل ڕایانگەیاند کە حەوت ئەندامی حزبوڵایان لە باشووری لوبنان کوشتووە.
بەرگری ئیسرائیل لە پلاتفۆرمی ئێکس ڕایگەیاند، "هێزی ئاسمانی ئیسرائیل هێرشی کردە سەر ئەندامانی حزبوڵا، چونکە چەک و تەقەمەنییان لە نزیک هێزەکانمان لە باشووری لوبنان دەگوازتەوە. بە مەبەستی نەهێشتنی ئەو مەترسییە، کوژراون."
سوپای ئیسرائیل ڕایگەیاند ئەو چەکدارانەی حزبوڵا چەکەکانیان دەگواستەوە بۆ ناو باڵەخانەیەک کە وەک بنکەی شەڕ و چاودێری بەکاردەهێنرا.