بەغدا – INA
نووری مالیکی، سەرۆکی هاوپەیمانیی دەوڵەتی یاسا، ئەمڕۆ پێنجشەممە، لەگەڵ باسم محەمەد یونس بەدری، سەرۆکی دەزگای ئاسایشی نیشتمانی، دوایین پێشهاتە ئەمنییەکانی وڵات و بەهێزکردنی هەماهەنگیی نێوان دامەزراوە ئەمنییەکانی تاوتوێ کرد.
نووسینگەی ڕاگەیاندنی مالیکی لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە، ڕایگەیاند: "نووری مالیکی، سەرۆکی هاوپەیمانیی دەوڵەتی یاسا، ئەمڕۆ لە نووسینگەی خۆی پێشوازیی لە باسم محەمەد یونس بەدری، سەرۆکی دەزگای ئاسایشی نیشتمانی کرد."
ئاماژەی بەوەش کردووە کە "لە دیدارەکەدا پەرەسەندنە ئەمنییەکانی وڵات و گرنگیی بەهێزکردنی هەماهەنگیی نێوان دامەزراوە ئەمنییەکان خرانە ڕوو، بەو ئامانجەی ببێتە هۆی چەسپاندنی سەقامگیری و پاراستنی ئاسایشی عێراق و بەرژەوەندییە باڵاکانی."
بەپێی ڕاگەیەندراوەکە ، مالیکی جەختی لە "گرنگیی بەردەوامبوونی پاڵپشتیی دەزگا ئەمنییەکان بۆ ئەنجامدانی ئەرکە نیشتمانییەکانیان، بەهێزکردنی کاری دامەزراوەیی و پەرەپێدانی تواناکانی ئەمنی و هەواڵگری بۆ ڕووبەڕووبوونەوەی تەحەددییە جیاوازەکان" کردووەتەوە.
لای خۆشییەوە، سەرۆکی دەزگای ئاسایشی نیشتمانی ئاماژەی بە "گرنگترین ئەرکەکانی دەزگاکە و پلانەکانی بۆ بەهێزکردنی ڕۆڵی لە پاراستنی ئاسایشی نیشتمانی و خزمەتکردنی دەوڵەت و هاووڵاتییان" کرد.