بەغداد - INA
دادگای تاوانەکانی بەرەنگاربوونەوەی گەندەڵی ناوەندی، ڕاستیی دەرچوونی فەرمانی دەستگیرکردن یان هاتنی ناوی کەسایەتییە گشتییەکان لە لێکۆڵینەوەی دۆسیەکەی عەدنان جومەیلیدا ڕەتدەکاتەوە.
دادوەری لێکۆڵینەوەی دادگای تاوانەکانی بەرەنگاربوونەوەی گەندەڵی ناوەندی، تایبەت بە لێکۆڵینەوە لە دۆسیەی تۆمەتباری دەستبەسەرکراو عەدنان جومەیلی، لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "ئەوەی لە تۆڕە کۆمەڵایەتییەکاندا دەستاودەست دەکرێت سەبارەت بە دەرچوونی فەرمانی دەستگیرکردن یان هاتنی ناوی کەسایەتییە گشتییەکانی ژنان و پیاوان بە ناونیشانی جیاواز لە لێکۆڵینەوەکەدا، زانیاریی نادروستن، بۆیە پێویستی بەم ڕوونکردنەوەیە دەکرد".
ئاشكراشیكرد: "بڵاوکردنەوەی ئەو زانیارییە نادروستانە سەرپێچی یاسا دەکەن و لەژێر بەدواداچوون و وردبیندان، و ڕێکاری یاسایی توند لە دژیان دەگیرێتەبەر".