بەغدا – INA
ئەمڕۆ دووشەممە، وتەبێژی فەرماندەی گشتیی هێزە چەکدارەکان، سەباح نعمان، ئەنجامدانی گۆڕانکاری لە هەندێک لە سەرکردایەتی و پێگە ئەمنییەکاندا ڕەتکردەوە، لە هەمان کاتدا داوای لە دەزگاکانی ڕاگەیاندن کرد کە ورد بن لە گواستنەوەی هەواڵەکاندا.
نعمان لە ڕاگەیەندراوێکدا کە دەستی ئاژانسی هەواڵی عێراقی (INA) کەوتووە، ڕایگەیاند: "هەندێک لە دەزگاکانی ڕاگەیاندن و تۆڕە کۆمەڵایەتییەکان هەواڵیان لەسەر ڕوودانی گۆڕانکاری لە هەندێک لە پێگە و سەرکردایەتییە ئەمنییەکاندا بڵاوکردووەتەوە، لە کاتێکدا ئێمە ڕاستیی ئەم هەواڵانە ڕەتدەکەینەوە، داواش لە سەرجەم دەزگاکانی ڕاگەیاندن دەکەین کەوپەڕی وریايي و وردی بپارێزن، و پابەندبن بە وەرگرتنی هەواڵەکان تەنیا لە سەرچاوە فەرمییەکانەوە".