بەغدا – INA
ئەمڕۆ دووشەممە، دادگای تاوانەکانی کەرخ، سزای بەندکردنی توندی بۆ دوو سزادراو دەرکرد بەهۆی تاوانی زیانگەیاندن بە دارایی کۆمپانیای بازرگانیی دانەوێڵە.
لە ڕاگەیەندراوێکی ئەنجومەنی باڵای دادوەریدا کە دەستی ئاژانسی هەواڵی عێراقی (INA) کەوتووە، هاتووە: "دادگای تاوانەکانی کەرخ حوکمی بەندکردنی توندی بۆ ماوەی سێ ساڵ بۆ دوو سزادراو دەرکردووە، بەهۆی تاوانی زیانگەیاندنی بەئەنقەست بە دارایی کۆمپانیای گشتیی بازرگانیی دانەوێڵە".
ئاماژەی بەوەشکرد: "سزادراوەکان هەستاون بە دانانی بڕە پارەیەک لە یەکێک لە بانکە ئەهلییەکاندا، ئەمەش لە ڕێکارێکدا کە پێچەوانەی گشتاندنی بانکی ناوەندیی عێراقە کە مامەڵەی دارایی لەگەڵ بانکی ناوبراو قەدەغە دەکات بەهۆی سەرپێچیی یاساییەوە".
ئەوەشی خستەڕوو: "حوکمی دەرکراو بەرامبەریان پاڵپشت بە ئەحکامەکانی ماددەی 340 لە یاسای سزادان و بە بەڵگەی ماددەکانی بەشدارییکردنی 47 و 48 و 49 لە هەمان یاسا دەرکراوە".