بەغدا - INA - ویسام مەلا
ئەمڕۆ شەممە عەبدوڵڵا دەردی، یاریدەدەری سكرتێری گشتی نەتەوە یەكگرتووەكان و بەڕێوەبەری هەرێمی بەرنامەی گەشەپێدانی نەتەوە یەكگرتووەكان بۆ وڵاتانی عەرەبی دووپاتی كردەوە كە عێراق ئێستا توانای بەڕێوەبردنی كاروباری خۆی هەیە بەبێ ئەوەی ئەركێكی سیاسی نەتەوە یەكگرتووەكان هەبێت، هەروەها ئاماژەی بەوەدا كە دۆسیەگانی ئاو و ژینگە لە پێشینەی كارەكانی زەیدی لە چوارچێوەی دیدگای عێراق بۆ ساڵی 2050.
دەردی بە ئاژانسی هەواڵی عێراقی (INA)ی ڕاگەیاند : رێكخراوەكانی نەتەوە یەكگرتووەكان لە عێراق چالاكن و وەك گروپێكی یەكگرتوو كاردەكەن، بەتایبەتی دوای ڕۆیشتنی نوێنەرایەتی یونامی، بۆیە دەبێت ئەو بۆشاییە پڕبكەینەوە.
ئاماژەی بەوەشكرد : بەرنامەی نەتەوە یەكگرتووەكان بۆ پەرەپێدان بەشێكی بەرچاو لە بارگرانی ئەم بۆشاییە پڕدەكاتەوە، ئەمەش ئەوە دەردەخات كە عێراق چیتر پێویستی بە ئەركێكی سیاسی نەتەوە یەكگرتووەكان نییە و ئێستا توانای بەڕێوەبردنی كاروباری خۆی هەیە. ئاماژەی بەوەشكرد، ستراتیژی بەرەنگاربوونەوەی گۆڕانی كەش وهەوا و پیسبوونی ژینگە دەبێت لە حكومەتی عێراقەوە سەرچاوەی گرتبێت، نەتەوە یەكگرتووەكان جێگەی عێراق ناگرێتەوە، بەڵكو نوێنەرایەتی بەشێكی كەمی هەوڵەكان دەكات، بەهێزی هەر پڕۆژەیەكی نەتەوە یەكگرتووەكان لە هاوئاهەنگیدایە لەگەڵ دیدێكی نیشتمانیی ڕوون لەم كەرتەدا، ووتیشی : پشتیوانی بەردەوامی بەرنامەی گەشەپێدانی نەتەوە یەكگرتووەكان (UNDP) بۆ گۆڕانكارییەكانی كەشوهەوا و بەرنامەكانی كۆنترۆڵكردنی پیسبوون لە عێراق دووپاتكردەوە.
ئاماژەی بەوەشكرد : عەلی زەیدی سەرۆكی ئەنجومەنی وەزیران باس لە دیدگایەك دەكات بۆ عێراق تا ساڵی 2050، دڵنیاین كە دۆسیەكانی ئاو و ژینگە گرنگییەكی بەرچاویان پێدەدرێت، مەحاڵە دیدێكی ئابووری تاوتوێ بكرێت بەبێ لەبەرچاوگرتنی كاریگەرییەكانی گۆڕانی كەشوهەوا و پرسەكانی ژینگە.
جەختی لەوە كردەوە : پشتیوانی نەتەوە یەكگرتووەكان بۆ پڕكردنەوەی هەر بۆشایییەك كە لەوانەیە لە توانا دامەزراوەیی و داراییە پێویستەكان بۆ جێبەجێكردنی پڕۆژە ژینگەییەكان سەرهەڵبدات و پابەندبوونمان بەم بابەتە ڕوونە.