بەغدا - INA
ئەمڕۆ هەینی، وەزیری گەیاندن، مستەفا سەنەد، ڕایگەیاند کە ڕسووماتی تێپەڕاندنی (تڕانزێت) هێڵەکانی ئینتەرنێت بە خاکی عێراقدا بە ڕێژەی 40% کەم کراوەتەوە.
سەنەد لە ڕاگەیاندراوێکدا کە دەستی ئاژانسی هەواڵی عێراقی (INA) کەوتووە، ڕایگەیاند: "لە چوارچێوەی ستراتیژەکەماندا بۆ گۆڕینی عێراق بۆ ڕێڕەوێکی نێودەوڵەتیی سەرەکی بۆ گواستنەوەی هێڵەکانی ئینتەرنێت (تڕانزێت) لە نێوان ڕۆژهەڵات و ڕۆژئاوادا، ڕێنماییمان کردووە بە کەمکردنەوەی ڕسووماتی تێپەڕاندنی ئەو هێڵانە بە ڕێژەی 40%، و ئەم بڕیارە بە فەرمی لە دەستەی ڕاوێژکاری و ئەنجومەنی بەڕێوەبردنی کۆمپانیای گشتیی گەیاندن و زانیاریاری پەسەند کراوە".
ئاماژەی بەوەشکرد کە: "وەک جەختکردنەوەیەک لەسەر سوود و گرنگیی ئابووری و تەکنیکیی ئەم بڕیارە، تەنیا ڕۆژێک دوای ڕاگەیاندنی، پێشنیاری فەرمیمان لە دوو وڵاتی کەنداوەوە پێ گەیشتووە بۆ بەستنەوە و تێپەڕاندنی هێڵە دیجیتاڵییەکانیان بۆ ئەوروپا بە خاکی عێراقدا، بەو پێیەی گرێبەستە کۆتایییەکان لە ماوەی چەند ڕۆژی داهاتوودا واژۆ دەکرێن".