بەدواداچوون – INA
ئەمڕۆ هەینی، جۆزێف عۆن، جەختی کردەوە کە فراوانبوون لە دەستدرێژییەکانی ئیسرائیل بۆ سەر باشووری لوبنان و ناوچەی بەقاع ئاڵۆزییەکی مەترسیدار و شەرمەزارکراوە، و پێی وابوو کە ئەمە بە شێوەیەکی کرداری ئەو هەوڵانە دەکاتە ئامانج کە بۆ چەسپاندنی ڕاگرتنی تەقەکردن و کۆتاییهێنان بە شەڕ دەدرێن.
عۆن ڕایگەیاند: "ئەوەی لەسەر زەوی ڕوودەدات، ڕێگر نابێت لە بەردەوامبوونی کارەکان لە پێناو گەیشتن بە ڕاگرتنی گشتگیرانەی تەقەکردن لە زووترین کاتدا"، هاوكات جەختی لەسەر "پێویستی ئەوە کردەوە کە ڕاگرتنی گشتگیرانەی تەقەکردن ببێتە دەروازەی سەرەکی بۆ تاوتوێکردنی تەواوی دۆسیە هەڵپەسێردراوەکانی دیکە".
ئاماژەی بەوەشکرد: "ڕێنماییم داوە بە شاندی دانوستانکار کە لەم بابەتەدا نەرمی نەنوێنن"، جەختیشی کردەوە کە "هەر گفتوگۆیەک لەسەر پرسەکانی دیکە، دەبێت چەسپاندنی ڕاگرتنی گشتگیرانەی تەقەکردنی پێش بکەوێت".
سەرۆکی لوبنان ڕوونی کردەوە کە "دۆسیەکانی دواتر کشانەوەی ئیسرائیل، بڵاوبوونەوەی سوپای لوبنان، و گەڕانەوەی دیلەکان دەگرێتەوە"، ئاماژەی بەوەش کرد کە "ئەم پرسانە لە چوارچێوەی ئەو هەوڵانەدا دێن کە ئامانجیان بەدیهێنانی سەقامگیری و ڕاگرتنی ئاڵۆزییەکانە".