بەغدا - INA
عەلی فالح زەیدی، سەرۆک وەزیران، ئەمڕۆ پێنجشەممە جەختی لە گرنگیی بەهێزکردنی ئاڵوگۆڕی بازرگانی و ئابووری لە نێوان عێراق و تورکیا و کردنەوەی دەرفەتی نوێ بۆ وەبەرهێنان کردەوە.
نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە، ڕایگەیاند: عەلی فالح زەیدی، سەرۆک وەزیران، پێشوازی لە ئەنیل بۆرا ئینان، باڵیۆزی کۆماری تورکیا لە عێراق کرد."
ڕاگەیەندراوەکە ئاماژەی بەوە کردووە کە "لە دیدارەکەدا پێداچوونەوە بە پەیوەندییە دووقۆڵییەکانی نێوان هەردوو وڵاتی دۆست کرا، لەگەڵ تاووتوێکردنی ڕێگاکانی بەهێزکردنیان و فراوانکردنی هاوبەشییەکان بە جۆرێک کە لە بەرژەوەندیی هەردوولادا بێت."
بەگوێرەی ڕاگەیەندراوەکە، سەرۆک وەزیران ئاماژەی بە "گرنگیی بەهێزکردنی ئاڵوگۆڕی بازرگانی و ئابووری و ڕەخساندنی دەرفەتی نوێی وەبەرهێنان" کردووە، بە ئامانجی پاڵپشتیکردنی تواناکانی هەردوولا بۆ ڕووبەڕووبوونەوەی ئاستەنگە ئابوورییەکان. هەروەها جەختی لە هەماهەنگی لە هەڵوێستەکاندا کردەوە سەبارەت بە هەوڵەکانی چەسپاندنی سەقامگیری و هێورکردنەوە لە ناوچەکەدا، و ڕێگریکردن لە پەرەسەندنی ململانێکان و فراوانبوونی بازنەی جەنگەکان.