سەرۆک وەزیران ستایشی ڕۆڵ و هەوڵەکانی نێوەندگیریی پاکستان دەکات کە بووە هۆی هێورکردنەوە و ڕاگرتنی شەڕ

بەغدا - INA

عەلی فالح زەیدی، سەرۆک وەزیران، ئەمڕۆ پێنجشەممە ستایشی ڕۆڵی وڵاتی پاکستان و هەوڵە نێوەندگیرییەکانی کرد کە بوونە هۆی هێورکردنەوەی بارودۆخەکە و ڕاگرتنی شەڕ.

نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە، ڕایگەیاند: زەیدی پێشوازی لە محەمەد زیشان، باڵیۆزی پاکستان لە عێراق کرد؛ لە دیدارەکەدا باس لە پەیوەندییە دووقۆڵییەکانی نێوان هەردوو وڵات و ڕێگاکانی پەرەپێدانی هاریکارییە هاوبەشەکان لە بوارە جیاجیاکاندا کرا، بەتایبەت لە بوارەکانی ئابووری، بازرگانی، ئەمنی و وەبەرهێنان."

لە بەشێکی تری ڕاگەیەندراوەکەدا هاتووە: "دیدارەکە پەرەسەندنەکانی ناوچەکەی گرتەوە، تێیدا سەرۆک وەزیران ستایشی ڕۆڵی کارای پاکستان و هەوڵەکانی کرد لەو نێوەندگیرییەی کە بووە هۆی هێورکردنەوە و ڕاگرتنی شەڕ و گەیشتن بە ڕێککەوتن لە نێوان ویلایەتە یەکگرتووەکانی ئەمریکا و کۆماری ئیسلامیی ئێران."

بەگوێرەی ڕاگەیەندراوەکە، زەیدی جەختی لەوە کردووەتەوە کە "ئەم ڕێککەوتنە دەبێتە هۆی دوورخستنەوەی ناوچەکە لە پشێوی و ناسەقامگیریی زیاتر،" ئاماژەی بە هەڵوێستی عێراقیش کرد لە پشتگیریکردنی ئاسایش و بەهێزکردنی هاوبەشییە بنیادنەرەکان.