بەغدا - INA
ئەمڕۆ دووشەممە، وەزیری خوێندنی باڵا و توێژینەوەی زانستی بە وەکالەت، عەبدولحوسێن موسەوی، بڕیاریدا بە پێدانی 5 نمرە بۆ چارەسەرکردنی بارودۆخی خوێندکارانی تاقیکردنەوەی هەڵسەنگاندن جگە لە کۆلێژەکانی پزیشکی.
وەزارەتەکە لە ڕاگەیەندراوێکدا کە بە دەست ئاژانسی هەواڵی عێراقی (INA) گەیشتووە، ڕایگەیاند: "وەزیری خوێندنی باڵا و توێژینەوەی زانستی بە وەکالەت، عەبدولحوسێن موسەوی، بڕیاریدا بە چارەسەرکردنی بارودۆخی خوێندکاران لە بابەتەکانی تاقیکردنەوەی هەڵسەنگاندندا، جگە لە کۆلێژەکانی پزیشکی".
لە ڕاگەیەندراوەکەدا هاتووە: "ئەم بڕیارە لە سۆنگەی پەرۆشی بۆ دواڕۆژی خوێندکارانمان و پاڵپشت بەو ئامارانەی لەلایەن سەرۆکی لیژنەکانی ڕاگرانی ئەو پسپۆڕییانەی کە تاقیکردنەوەی هەڵسەنگاندن دەیانگرێتەوە پێشکەش کراون، دراوە؛ بە جۆرێک بڕیار درا بە پێدانی نمرەی چارەسەر لەلایەن سەرۆکی لیژنەکانی ڕاگرانی پسپۆڕییە پێوەندیدارەکانەوە".
ئاماژە بەوەش کراوە: "ئەم بڕیارە کۆلێژەکانی پزیشکی ناگرێتەوە، بە مەرجێک نمرەکان لە پێنج نمرە یان هاوسەنگی کێشی خۆی زیاتر نەبێت، ئەمەش بەپێی نمرەی تاقیکردنەوەی هەڵسەنگاندنی هەر بابەتێکی خوێندن کە لەسەر وەرەقەی تاقیکردنەوە (Bubble Sheet) دیاری کراوە؛ بە مەبەستی بەدیهێنانی مەرجی سەرکەوتن لەو بابەتەدا و بەپێی بنەمای بەدەستهێنانی زۆرترین سوود بە جۆرێک کە بەرژەوەندیی خوێندکاران بپارێزێت".