هەولێر ـ INA
ئەمڕۆ دووشەممە ، نێچیرڤان بارزانی، سەرۆکی هەرێمی کوردستان، سەردانی کاتێدراڵی مار یووسفی کلدانی له عهينكاوه کرد و لەلایەن جهنابى پاتریارک مار پۆڵسی سێیەم نۆنا، سهرۆكى كهنيسهى كلدانى له عێراق و جيهان و ژمارهيهك له پياوانى ئايينی مهسيحییەوە پێشوازیی لێکرا.
سەرۆکایەتی هەرێم لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی، تیایدا هاتووە :"ئەمڕۆ دووشەممە ، نێچیرڤان بارزانی، سەرۆکی هەرێمی کوردستان، سەردانی کاتێدراڵی مار یووسفی کلدانی له عهينكاوه کرد و لەلایەن جهنابى پاتریارک مار پۆڵسی سێیەم نۆنا، سهرۆكى كهنيسهى كلدانى له عێراق و جيهان و ژمارهيهك له پياوانى ئايينی مهسيحییەوە پێشوازیی لێکرا".
بەگوێرەی ڕاگەیەندراوەکە، "لە دیدارێکدا، سەرۆک نێچیرڤان بارزانی وێڕاى بهگهرمى بهخێرهێنانى بۆ ههولێر، خۆشحاڵيى خۆى به سهردانى جهنابى پارتريارك بۆ ههرێمى كوردستان دهربڕى و پيرۆزباييى دەستبەکاربوونى لێكرد، ههروهها هیوای سەرکەوتنی بۆ خواست و ههموو هاوكارى و پشتگيرييهكى بۆ خۆيان و كهنيسهكهيان دووپات كردهوه".
ئاماژەی بەوەشکرد کە، "بهڕێزيان جەختی لەوە کردەوە کە هاووڵاتیيانى مەسیحی پێکهاتەیەکی ڕەسەن و گرنگی گەلی کوردستان و عێراقن و ڕۆڵی دیاریان لە مێژوو، ئێستا و داهاتووی وڵاتدا هەیە، هەروەها دووپاتی کردەوە کە هەرێمی کوردستان وەک هەمیشە بە لانکەی ئارامی پێکەوەژیانی ئاشتییانە، لێبوردەیی و یەکترقبووڵكردن بۆ تهواوى پێکهاتە ئایینی و نەتەوەیییەکانى دەمێنێتەوە".
ئاماژەی بەوەشکرد کە، "لای خۆیەوە، جهنابى پاتریارک سوپاس و پێزانینی بۆ سەردانی سهرۆك نێچيرڤان بارزانى بۆ كهنيسهكهيان دەربڕی و ستایشی ڕۆڵی مرۆیی و مێژوویيی ههرێمى كوردستانى كرد لە پێشوازیکردن و داڵدەدانی مەسیحییەکان و پێکهاتەکانی دیکە لە کاتی هێرشەکانی داعشدا، هەروەها کەشی پێکەوەژیانی ئاشتییانەی هەرێمی کوردستانی بەرز نرخاند".
هەروەها ئاماژەی بەوەشکرد کە، "دۆخی مەسیحییەکان لە عێراق و ناوچەکە، تەوەرێکی دیکەی دیدارەکە بوو كه تيايدا ژمارهيهك له وهزيران و بهرپرسانى ههرێمى كوردستان ئامادهى بوون".