بەغداد – INA
وەزارەتی دەرەوە ، ڕاستیی ئەو بانگەشانەی ڕەتکردەوە کە باس لە تێوەگلانی دیپلۆماتکاران یان ئەندامانی خێزانەکانیان دەکەن لە پرسی دەفتەرەکانی تاقیکردنەوەدا .
وزارەتەکە لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "تۆڕە کۆمەڵایەتییەکان هەندێک زانیارییان دەستاودەست کردووە سەبارەت بە پرسی قاچاخچێتی و گواستنەوەی نایاسایی دەفتەرەکانی تاقیکردنەوە بۆ دەرەوەی عێراق، کە تێیدا ئاماژە بە چەندین ناو، ناونیشانی وەزیفی و خێزانی کراوە"، جەختیشی کردەوە کە ئەم زانیارییانە دوورن لە ڕاستییەوە.
ڕوونیشی کردەوە: "ئەو بانگەشەیەی بڵاوکراوەتەوە سەبارەت بە بوونی فەرمانبەرێک لە باڵیۆزخانەی کۆماری عێراق لە ئۆکرانیا کە ئەو ناوەی هەڵگرتووە کە لە هەواڵەکاندا هاتووە و ناونیشانی 'قونسوڵی گشتی' پێدراوە، بانگەشەیەکی بێبنەمایە و دوورە لە ڕاستی، چونکە لەناو ستافی باڵیۆزخانەکەدا هیچ فەرمانبەرێک نییە کە ئەم ناوەی هەبێت یان لەم پۆستەدا بێت.
وزارەتەکە جەختی کردەوە کە "قوتابخانە عێراقییەکان لە دەرەوەی وڵات لەلایەن وەزارەتی پەروەردەی عێراقەوە بەڕێوەدەبرێن، کە ئەرکی سەرپەرشتیکردنی لایەنە کارگێڕی، پەروەردەیی و تاقیکردنەوەکانیان دەگرێتە ئەستۆ بەپێی یاسا و ڕێنماییە کارپێکراوەکان، لە کاتێکدا وەزارەتی دەرەوە هیچ ڕۆڵێکی نییە لە بەڕێوەبردنی ئەم دامەزراوە پەروەردەییانە یان سەرپەرشتیکردنی ڕاستەوخۆی ڕێکارەکانی تاقیکردنەوەکانیاندا."
ههروهها ئهوهیش هاتووه كه: "لەکاتێکدا وەزارەتی دەرەوە جەخت لە ڕێزگرتنی خۆی بۆ ئازادی ڕادەربڕین و کاری ڕۆژنامەوانی بەرپرسیارانە دەکاتەوە، داوا لە دەزگاکانی ڕاگەیاندن و بەکارهێنەرانی تۆڕە کۆمەڵایەتییەکان دەکات کە وردبن و زانیارییەکان لە سەرچاوە فەرمییەکانیانەوە وەربگرن، و دووربکەونەوە لە بڵاوکردنەوە یان دەستاودەستکردنی زانیاریی پشتڕاستنەکراوە کە زیان بە ناوبانگی کەسەکان و دامەزراوەکان دەگەیەنێت."
وزارەتەکە ئاماژەی بەوەش دا کە مافی یاسایی خۆی دەپارێزێت بۆ گرتنەبەری ڕێکارەکان.