بەدواداچوون- INA
دۆناڵد ترەمپ، سەرۆکی ئەمریکا، ئەمڕۆ چوارشەممە جەختی کردەوە کە ویلایەتە یەکگرتووەکانی ئەمریکا ئەمڕۆ دووبارە بە توندی هێرش دەکاتە سەر ئێران.
سەرۆکی ئەمریکا لە لێدوانێکدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: ئەمڕۆ دووبارە بە هێزەوە هێرش دەکەینە سەر ئێران و دەبوایە ئەوان ڕێککەوتنەکە واژۆ بکەن.
وتیشی: پێویستە ئێران ڕێککەوتنەکە واژۆ بکات، چونکە ڕێککەوتنێکی باش و واتادارە, ئاماژەی بەوەش کرد کە ئێران خەریکی کات کوشتنە و نازانم سەرکردەکانیان خەریکی چین، ئێمە لە هەوڵی ئەوەداین ڕێگرییان لێ بکەین لە بەدەستهێنانی چەکی ئەتۆمی.
هەروەها وتی: مەبەستم لەوەی کە ئێران باجەکەی دەدات ئەوەیە کە ئێمە بە شێوەیەکی زۆر بەهێز هێرشی دەکەینە سەریان.