بەغدا -INA
دەستەی دەروازە سنوورییەکان، ئەمڕۆ چوارشەممە، دەستبەسەرداگرتن و پووچەڵکردنەوەی هەوڵێکی قاچاخکردنی ماددەی هۆشبەری کریستاڵی لای گەشتیارێکی بیانی لە دەروازەی شەلامچە ڕاگەیاند.
عەلائەدین قەیسی، وتەبێژی دەستەکە بە ئاژانسی هەواڵی عێراقی (INA)ی ڕاگەیاند: بەڕێوەبەرایەتی دەروازەی سنووریی شەلامچە توانی گەشتیارێکی بیانی لە هۆڵی هاتواندا دەستگیر بکات، کە بڕی نزیکەی نیو کیلۆگرام ماددەی هۆشبەری (کریستاڵ)ی پێبووە، کە بە شێوازێکی پیشەگەرانە لە ناو قوتوویەکی پاودەری جلشۆردندا شاردرابووەوە.
ئاماژەی بەوەش کرد کە کۆنووسێکی یاسایی ڕێکخرا و تۆمەتبارەکە لەگەڵ ماددە دەستبەسەرداگیراوەکان ڕەوانەی بنکەی پۆلیسی شەلامچە کران، بۆ گرتنەبەری ڕێکاری یاسایی پێویست.