بەغداد- INA
وزارەتی گواستنەوە - کۆمپانیای گشتیی خزمەتگوزارییەکانی گەشتە ئاسمانییەکان، ئەمڕۆ سێشەممە، نوێکردنەوەی ڕێککەوتننامەی کاری هاوبەشی تایبەت بە بەڕێوەبردنی هاتوچۆی ئاسمانیی لەگەڵ کۆماری تورکیا ڕاگەیاند، وەک هەنگاوێکی ستراتیژی کە لە جۆری خۆیدا یەکەمە لە دوای حوزەیرانی ساڵی 2016ـەوە.
ئەحمەد عیماد ئەحمەد، یاریدەدەری بەڕێوەبەری گشتیی کۆمپانیاکە لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "ئەم نوێکردنەوەیە لەسەر بنەمای ڕێنماییە دروستەکان و پشتگیری بەردەوامی وەزیری گواستنەوە، وەهەب ئەلحەسەنی، و لەسەر داوای بڕیارەکانی ئەنجومەنی وەزیرانی ڕێزدار دێت کە دەق لەسەر کەمکردنەوەی مەودای نێوان فڕۆکەکان (کەمکردنەوەی جیاکەرەوەی ئاسمانیی درێژایی) دەکەنەوە."
وتیشی: "نوێکردنەوە نوێیەکە بڕگەی جەوهەری لەخۆگرتووە کە ئامانجیان کەمکردنەوەی نێوانبڕەکانی هاتوچۆی ئاسمانی نێوان هەردوو وڵاتە بۆ 15 میل، ئەمەش توانای لەخۆگرتنی کایەی ئاسمانیی عێراق بەرز دەکاتەوە و بە شێوەیەک کە بگونجێت لەگەڵ ڕێکارە هەرێمییە پێڕەوکراوەکان لە چوارچێوەی پلانی چاکبوونەوەی گەشتە ئاسمانییەکان لەسەر هەردوو ئاستی هەرێمی و جیهانی و لێشاوی هاتوچۆی چاوەڕوانکراوی فڕۆکەکان."
ناوبراو ئاماژەی بەوەشکرد کە "نوێکردنەوەی ئەم ڕێککەوتننامەیە پابەندبوونی گەشتە ئاسمانییەکانی عێراق بە جێبەجێکردنی بەرزترین پێوەرە نێودەوڵەتییەکان و هاوتەریببوون لەگەڵ پێداویستییە پەسەندکراوەکانی ڕێکخراوی نێودەوڵەتی فڕۆکەوانی سڤیل (ICAO) و ڕێنماییەکانی دەسەڵاتی فڕۆکەوانی سڤیلی عێراقی دەسەلمێنێت، بە شێوەیەک کە سەلامەتی و ڕەوانیی هاتوچۆی ئاسمانی لە وڵاتدا مسۆگەر بکات."