بەغدا – INA
ئەمڕۆ دووشەممە، بەڕێوەبەرایەتیی هەواڵگریی سەربازی، دەستگیرکردنی بازرگانێکی ماددەی هۆشبەر و دەستبەسەرداگرتنی 10 هەزار حەبی هۆشبەری لە ئەنبار ڕاگەیاند.
لە ڕاگەیەندراوێکی بەڕێوەبەرایەتییەکەدا کە بە دەست ئاژانسی هەواڵی عێراقی (INA) گەیشتووە، هاتووە: "بەڕێوەبەرایەتیی هەواڵگریی سەربازی بەردەوامە لەسەر بەرنامە و چالاکییەکانی بەپێی ڕێنماییەکانی بەڕێوەبەری هەواڵگریی سەربازی، کە تایبەتن بە بنبڕکردنی ئافاتی ماددەی هۆشبەر و دەستگیرکردنی بازرگان و بڵاوکەرەوەکانی، و لەسەر بنەمای زانیاریی وردی هەواڵگری و بەدواداچوونی بەردەوام لەلایەن بەشی هەواڵگری و ئاسایش لە فیرقەی حەوتی پیادە و بە بەشداریی بەشی ماددە هۆشبەرەکان و کارتێکەرە ئەقڵییەکان لە قەزای قائم، مەفرەزەکانی هەواڵگریی سەربازی توانییان دەست بەسەر زیاتر لە 10 هەزار حەبی هۆشبەردا بگرن لە ئەنبار".
ئاماژەی بەوەشکرد کە: "حەبەکان بۆ قاچاخچێتی و بڵاوکردنەوە ئامادەکرابوون، و لە چالاکییەکی دیکەشدا مەفرەزەکانی هەواڵگری لە هەمان فیرقەدا توانییان بازرگانێکی ماددەی هۆشبەر دەستگیر بکەن کە بەپێی ماددەی 28ی هۆشبەرەکان داواکراو بوو".
تیشکی خستە سەر ئەوەش کە "مامەڵە لەگەڵ دەستبەسەرداگیراوەکان و کەسی داواکراودا کراوە بەپێی ئەو ڕێکارانەی کە کاریان پێدەکرێت".