بەغدا - INA
ئەمڕۆ دووشەممە، دەستەی دەسپاکی نیشتمانی، دەستگیرکردنی فەرمانبەرێکی لە فەرمانگەی چاودێریی کۆمەڵایەتی لە پارێزگای میسان ڕاگەیاند؛ بەهۆی خراپ بەکارهێنانی پۆستەکەی و دەستبەسەرداگرتنی ناڕەوای پارەی دەوڵەت.
دەستەکە لەبارەی ئۆپەراسیۆنی دەستگیرکردنەکە، کە لەلایەن تیمێکی نووسینگەی لێکۆڵینەوەی میسانەوە جێبەجێ کراوە، بەپێی ڕاگەیەندراوێک کە بە دەست ئاژانسی هەواڵی عێراقی (INA) گەیشتووە، ڕایگەیاند: "تیمەکە ئەرکی بەدواداچوون و کۆکردنەوەی زانیارییەکانی گرتە ئەستۆ لەسەر پرسی کورتھێنان لەو بڕە پارانەی کە لە ڕێگەی سیستمی باجی ئەلیکترۆنی لە فەرمانگەی چاودێریی کۆمەڵایەتی پیاوان بە هۆی ئامێری پارەدانی ئەلیکترۆنی (POS) وەرگیراون"، تیشکی خستە سەر ئەوەی کە "یەکێک لە فەرمانبەرانی فەرمانگەکە دەستگیر کراوە؛ بەهۆی دەستبەسەرداگرتنی نزیکەی (400) ملیۆن دینار لەو بڕە پارانەی کە لەو سەرپێچیکارانە وەرگیراونەتەوە کە بە پێچەوانەی یاساوە سوودمەند بوون لە هاوکاریی چاودێریی کۆمەڵایەتی".
ئاماژەی بەوەشکرد: "تۆمەتبارەکە ڕەوانەی لیژنی سەرپێچیی ناوەندی کراوە، دوای ئەوەی بەدواداچوونەکان جیاوازییان لە نێوان ئەو بڕە پارانەی لە ڕێگەی پارەدانی ئەلیکترۆنییەوە وەرگیراون لەگەڵ پسوولەکانی وەرگرتنی ژمێریاریدا سەلماند"، ڕوونیشی کردەوە کە "دادوەری دادگای لێکۆڵینەوەی تایبەت بە دۆسیەکانی دەسپاکی لە میسان، بڕیاری دا بە ڕاگرتنی تۆمەتبارەکە بەپێی ماددەی (316) لە یاسای سزادان".