بەغدا - INA
نووسینگەی ڕاگەیاندنی هاوپەیمانیی عەزم، ئەمڕۆ پێنجشەممە، ڕاگەیەندراوێکی بڵاوکردەوە و تێیدا سەرەخۆشی لە کۆچی دوایی مەرجەعی ئایینی، ئایەتوڵڵا عوزما شێخ محەمەد ئیسحاق فەیاز کرد، کە دوای ژیانێکی پڕ لە بەخششی زانستی و ئایینی کۆچی دوایی کرد.
هاوپەیمانییەکە لە ڕاگەیەندراویکدا کە بۆ ئاژانسی هەواڵی عێراقی (INA) نێردراوە ڕایگەیاند: بە خەم و پەژارەیەکی زۆرەوە، هەواڵی کۆچی دوایی مەرجەعی ئایینی، جەنابی ئایەتوڵڵا عوزما شێخ محەمەد ئیسحاق فەیاز-مان پێگەیشت، دوای مێژوویەکی دوورودرێژی زانستی و ئایینی لە خزمەتکردنی ئیسلام و حەوزەی زانستی لە نەجەفی ئەشرەف.
زیاتر وتی: بەهۆی ئەم کۆستەوە، گەرمترین سەرەخۆشی و هاوخەمی خۆمان ئاراستەی مەرجەعەکانی ئایین و زانایان و قوتابیانی حەوزە زانستییەکان و کەسوکاری کۆچکردوو و دۆستانی دەکەین، لە خوای گەورە داواکارین بە ڕەحمەتی فراوانی خۆی شاد بکات و لە بەهەشتی بەریندا جێگیری بکات، و سەبوری و ئارامی بە هەمووان ببەخشێت.