بەدواداچوون – INA
دۆناڵد ترەمپ، سەرۆکی ئەمریکا، ئەمڕۆ پێنجشەممە ڕایگەیاند کە دەنگدانی دوێنێی ئەنجوومەنی نوێنەران بۆ سنووردارکردنی دەسەڵاتەکانی جەنگ، هیچ مانایەکی نییە.
ترەمپ لە پلاتفۆرمی "ترووس سۆشیاڵ" کە ئاژانسی هەواڵی عێراقی (INA) بەدواداچوونی بۆ کردووە، وتی: دوێنێ لە دەنگدانێکی بێمانادا، ئەنجوومەنی نوێنەران بە بەشداری چوار لە کۆمارییە خراپەکان و هەموو دیموکراتەکان، دەنگیان دا بۆ بەرتەسککردنەوەی دەسەڵاتەکانم سەبارەت بە جەنگ، ئەمەش لە ناوەڕاستی گفتوگۆ کۆتایییەکانمدایە بۆ کۆتاییهێنان بە جەنگ لەگەڵ کۆماری ئیسلامی ئێران.
هەروەها وتیشی: کێ دەتوانێت کارێکی لەو شێوەیە بکات کە ناشیشتمانی بێت؟ ئەوان دەزانن دانوستانەکان گەیشتوونەتە کوێ، ئاماژەی بەوەش کرد کە دیموکراتەکان لە ژێر کاریگەری 'نیشانەکانی خولیای دژە ترەمپ'دان ئەوان شکستی وڵاتەکەیان پێ باشترە لەوەی سەرکەوتنێکی نوێ بدەن بە من لە ناو ئەو هەموو سەرکەوتنە زۆرانەمدا.
تیشکی خستە سەر ئەوەش کە سەبارەت بە چوار کۆمارییەکەش، چیرۆکی ئەوان بە تەواوی جیاوازە، ئەوان تەنها بەدوای سەرنج و ناوبانگدا دەگەڕێن و دەبێت شەرم لە خۆیان بکەن.