بەدواداچوون – INA
سەرۆکی ئەمریکا دۆناڵد ترەمپ، ئەمڕۆ چوارشەممە جەختیکردەوە: ئێران ڕازیبووە بەوەی نەبێتە خاوەنی چەکی ئەتۆمی و دانوستانەکان لەگەڵیدا بە شێوەیەکی ئەرێنی پێشدەکەون.
ترەمپ ڕایگەیاند: "ئێران ڕازیبووە کە چەکی ئەتۆمیی نەبێت"، و جەختیشیکردەوە: "ئەو دانوستانانەی ئێستا لەگەڵیدا بەڕێوەدەچن، گۆڕانکاریی خێرا و ئەرێنی بەخۆیانەوە دەبینن."
وتیشی، "ڕێبەری باڵای ئێران بەشدارە لە وتووێژەکانی ئێستادا لەگەڵ ویلایەتە یەکگرتووەکان"، و ئاماژەیكرد: بە "ئەگەری ئەنجامدانی کۆبوونەوە لەگەڵیدا لە کاتێکی گونجاودا".
ڕوونیشیکردەوە: "دۆخی نێوانمان لەگەڵ ئێران بە خێرایی گەشە دەکات"، و هیوای خواست کە "ئەنجامی ئەم دانوستانانە زۆر باش بێت."
لەسەر ئاستی ئابووریش، ترەمپ پێشبینی کرد "لە ماوەیەکی نزیکدا نرخی گاز دابەزێت."
لە تەوەرێکی دیکەدا، ترامپ نیشاندانی "نیگەرانی خۆی لە بەردەوامیی گرژییەکانی ناوچەکە" دەربڕی، و ئاماژەی بەوەکرد کە "سەرقاڵە بە لێکەوتەکانی ناکۆکی و پەرەسەندنەکانی پەیوەست بە سەرۆک وەزیرانی (ئیسرائیل) (نەتانیاهۆ) و لوبنانەوە."
لە کۆتاییدا گوتی: "ئێستا پێویستمان بە بڵاوەپێکردنی هێزی زەمینی لە ئێراندا نییە"، و ئاماژەی بەوەشکرد "ڕەنگە گەمارۆی دەریاییمان بۆ سەر ئێران تا مانگی ئەیلوول بەردەوام بێت، بەڵام پێناچێت بگاتە ئەو کاتە و بابەتەکە بە خێرایی چارەسەر دەبێت."