بەغدا – INA
ئەمڕۆ دووشەممە، ئەنجومەنی وەزاری بۆ ئابووری، ڕاسپاردەی دایە لایەنە چاودێرییەکان بۆ بەدواداچوونی نرخی هێلکەی خواردن لە بازاڕە ناوخۆییەکاندا و پێشکەشکردنی ڕاپۆرتی خولی لەو بارەیەوە، بە مەبەستی پاراستنی سەقامگیریی نرخەکان و دروستنەکردنی گوشار لەسەر شانی هاواوڵاتییان.
نووسینگەی ڕاگەیاندنی ئەنجومەنەکە لە ڕاگەیەندراوێکدا کە بە دەست ئاژانسی هەواڵی عێراقی (INA) گەیشتووە، ڕایگەیاند: "وەزیری دارایی و وەزیری پلاندانان بە وەکالەت، فالح ساری، سەرۆکایەتی یەکەم کۆبوونەوەی ئەنجومەنی وەزاری بۆ ئابووری کرد کە لە باڵەخانەی ئەنجومەنەکە و بە ئامادەبوونی وەزیرانی بازرگانی، کشتوکاڵ، پیشەسازی و کانزاکان، کار و کاروباری کۆمەڵایەتی بە وەکالەت، سکرتێری گشتیی ئەنجومەنی وەزیران، پارێزگاری بانکی ناوەندی، سەرۆکی دەستەی نیشتمانیی وەبەرهێنان و سەرۆکی دەستەی کاغەزە داراییەکان بەڕێوەچوو".
ڕاگەیەندراوەکە ئاماژەی بەوەش کرد کە "جێگری سەرۆکی ئەنجومەنەکە، فالح ساری، بەخێرهاتنی ئەندامانی کرد"، و هیوای "سەرکوتنی بۆ خواستن لە کارەکانیاندا بە جۆرێک کە خزمەت بە داواکاری و خواستەکانی گەلەکەمان بکات لە ڕێگەی گرتنەبەری بڕیارە ئابوورییە گونجاوەکان بۆ پاڵپشتیکردنی چەرخی ئابووری لە بوارە جیاجیاکاندا"، و ڕوونی کردەوە کە "ئەنجومەنەکە باسی لەو بڕگانە کردووە کە لە خشتەی کارەکانیدا هاتوون و بڕیاری گونجاوی بۆ داون".
هەر بەپێی ڕاگەیەندراوەکە "ئەنجومەنەکە ڕەزامەندی دەربڕیوە لەسەر داواکاریی پارێزگای موسەننا بۆ چوونە ناو پابەندبوونە گرێبەستییەکان بۆ پڕۆژە خزمەتگوزارییەکان و ڕەوانەکردنی بابەتەکە بۆ وەزارەتی دارایی بۆ گرتنەبەری ڕێکاری پێویست بە هەماهەنگی لەگەڵ وەزارەتی پلاندانان، هەروەها ئەنجومەنەکە ڕەزامەندی دەربڕیوە لەسەر داواکاریی وەزارەتی تەندروستی بۆ بەدەرکردنی گرێبەستەکانی کۆمپانیای گشتیی بەبازاڕکردنی دەرمان و پێداویستییە پزیشکییەکان بۆ بارە بەپەلەکان، بە جۆرێک کە بانکی عێراقی بۆ بازرگانی (TBI) پێش کردنەوەی متمانەی بەڵگەنامەیی، پەسندکردنی ڕاگەیەندراوی پێشوەختە ئەنجام بدات".
ڕاگەیەندراوەکە ڕوونیشی کردەوە: "کە ئەنجومەنەکە ڕاسپاردەی دایە لایەنە چاودێرییەکان بۆ بەدواداچوونی نرخی هێلکەی خواردن لە بازاڕە ناوخۆییەکاندا و پێشکەشکردنی ڕاپۆرتی خولی لەو بارەیەوە، بۆ پاراستنی سەقامگیریی نرخەکان و ڕێگریکردن لە دروستبوونی گوشار لەسەر شانی هاووڵاتییان، هەروەها ئەنجومەنەکە بڕیاری دا بە ڕاسپاردەکردنی سەنتەری نیشتمانیی زانیارییەکان بۆ تەواوکردنی ڕێکارەکانی بەستنەوەی ئەلیکترۆنی لە نێوان وەزارەتی بازرگانی لەلایەک و وەزارەتی کارەبا و شارەوانیی بەغدا لەلایەکی ترەوە، بە مەبەستی کۆکردنەوەی کرێی کارەبا و ئاو و ئاسانکاریی ڕێکارەکان لە فەرمانگەی تۆمارکردنی کۆمپانیاکاندا".
لە کۆتاییدا ڕاگەیەندراوەکە تیشکی خستە سەر ئەوەی کە "ئەنجومەنەکە ڕەزامەندی دەربڕیوە لەسەر داواکاریی وەزارەتی دەرەوە بۆ بەدەرکردنی ئەو فەرمانبەرانەی وەزارەتەکە کە پێش تەواوکردنی ماوەی یاسایی خۆیان بەهۆی ڕێکارەکانی دەستپێوەگرتن (تەقەشوف) یان خانەنشینبوون لە نێردە دیپلۆماسییەکان گەڕاونەتەوە، و ڕێگەدان پێیان بۆ هێنانی ئۆتۆمبێلە تایبەتەکانیان بۆ ناو عێراق".