بەغدا – INA
ئەمڕۆ دووشەممە، بەڕێوەبەرایەتیی هەواڵگریی سەربازی، دەستگیرکردنی سێ تێرۆریستی لە بەغدا و ئەنبار ڕاگەیاند.
لە ڕاگەیەندراوێکی بەڕێوەبەرایەتییەکەدا کە بە دەست ئاژانسی هەواڵی عێراقی (INA) گەیشتووە، هاتووە: "بەپێی ڕاسپاردەکانی بەڕێوەبەری هەواڵگریی سەربازی، کە جەخت لەسەر لێدان و دەستگیرکردنی سەرجەم داواکراوان بە کەیسەکانی تێرۆر دەکاتەوە، و پاڵپشت بە زانیاریی هەواڵگریی ورد و لە چەند ئەرکێکی جیاوازدا، پاڵەوانانی مەفرەزەکانی بەڕێوەبەرایەتیی هەواڵگریی سەربازی لە بەشەکانی هەواڵگری و ئاسایش لە فیرقەکانی پیادەی شەشەم و حەڤدەیەم، توانییان دوو تێرۆریست لە بەغدای پایتەخت دەستگیر بکەن".
ڕاگەیەندراوەکە ئاماژەی بەوەش کردووە کە "مەفرەزەکانی هەواڵگریی سەربازی لە فیرقەی پیادەی حەوتەم، لە پرۆسەیەکی تردا توانییان تێرۆریستێکی تر لە پارێزگای ئەنبار دەستگیر بکەن".
ئەوەشی خستە ڕوو کە "تۆمەتبارەکان فەرمانی پێشووی دەستگیرکردنیان لەدژ دەرچووە بەپێی ئەحکامەکانی ماددەی (4/1) لە یاسای بەرەنگاربوونەوەی تێرۆر، و ڕادەستی لایەنە پسپۆڕەکان کراون بۆ تەواوکردنی ڕێکارە یاساییە پێویستەکان لە دژیان".