بەدواداچوون - INA
ئەمڕۆ یەکشەممە ، ئاژانسی هەواڵی تەسنیمی ئێرانی بڵاویکردەوە کە ،مەسعود پزیشکیانی، سەرۆک کۆماری ئێران دەستلەکارکێشانەوەی پێشکەش نەکردووە.
سەرچاوەیەک لەو بارەیەوە ڕایگەیاند: پزیشکیان هیچ دەستلەکارکێشانەوەیەکی پێشکەش نەکردووە، بەڵکو ئەمڕۆ درێژەی بە کارەکانی داوە و بەرنامەکانی داهاتووی بەپێی خشتەی ئاسایی خۆی بەڕێوەدەچن.
هەروەها وتیشی: ئەم دەنگۆیانە بە ئامانجی کۆکردنەوەی زانیاریی هەواڵگری، دروستکردنی ناکۆکی و تێکدانی یەکڕیزیی کۆمەڵایەتی لە ئێراندا دروست دەکرێن.
لە کۆتاییدا ئاماژەی بەوەشکرد: ئەو سەرچاوە ئاگادارانەی کە "ئینتەرناشناڵ" بانگەشەیان بۆ دەکات، بەزۆری بەرهەمی خەیاڵ و وەهمی ئەوانەن کە ئەو تۆڕە بەڕێوەدەبەن.