بەغدا - INA
دەستەی کەشناسی، ئەمڕۆ پێنجشەممە، بارودۆخی کەشوهەوای چوار ڕۆژی داهاتووی ڕاگەیاند، هاوکات پێشبینی بارینی نمە باران و هەور و گۆڕانکاری لە پلەکانی گەرمیدا دەکات.
ڕاگەیەندراوێکی دەستەکە کە بۆ ئاژانسی هەواڵی عێراقی (INA) نێردراوە، ئاماژەی بەوە کردووە: سبەی هەینی، ئاسمان نیمچە هەور دەبێت لەگەڵ ئەگەری بارینی نمە باران و هەورە بروسکە لە ناوچە جیاجیاکانی باکوور، باکەشی باکووری ڕۆژئاوا دەبێت و خێراییەکەی مامناوەند بۆ چالاک دەبێت، ئەمەش دەبێتە هۆی خۆڵبارین لە چەندین شوێنی وڵات، پلەکانی گەرماش لە سەرانسەری وڵاتدا چەند پلەیەک بەراورد بە ڕۆژی پێشوو دادەبەزن.
ئاماژەی بەوەش کردووە کە بەرزترین پلەکانی گەرما بەم شێوەیە دەبن: بەغداد ٤٤، کەربەلای پیرۆز و نەجەفی ئەشرەف و واست و بابل ٤٥، دیالە و ئەنبار ٤٢، دیوانیە ٤٦، موسەنا و میسان و بەسڕە ٤٧، زیقار ٤٨، سەڵاحەدین ٤١، کەرکوک ٤٠، نەینەوا ٣٨، هەولێر و دهۆک ٣٦، سلێمانی ٣٥ پلەی سەدی.
هەروەها وتیشی: ڕۆژی شەممە، ئاسمان ساماڵ دەبێت لەگەڵ هەندێک هەور لە ناوچەکانی ناوەڕاست و باشوور، و نیمچە هەور دەبێت لە ناوچەی باکوور لەگەڵ ئەگەری بارینی نمە باران لە هەندێک شوێنیدا، پلەکانی گەرماش لە ناوچەکانی ناوەڕاست و باکوور کەمێک بەرز دەبنەوە، لە کاتێکدا لە ناوچەی باشوور کەمێک دادەبەزن.
ئاماژەی بەوەش کرد: کەشوهەوای ڕۆژی یەکشەممە، بە گشتی ساماڵ دەبێت لەگەڵ هەندێک هەور، پلەکانی گەرماش لە سەرانسەری وڵاتدا کەمێک بەراورد بە ڕۆژی پێشوو بەرز دەبنەوە.
لە کۆتاییدا تیشکی خستە سەر ئەوەی کە: ڕۆژی دووشەممەی داهاتوو، ئاسمان ساماڵ دەبێت لەگەڵ هەندێک هەور لە سەرانسەری وڵاتدا، و پلەکانی گەرماش کەمێک زیاتر بەرز دەبنەوە.